တောခြောက်တယ် ဆိုတာကြားဖူးလား သားကြီးတို့

တောထဲမှာ မကောင်းဆိုးရွားတွေက လိုက်လံ ခြောက်လှန့်တာကိုပြောတာမဟုတ်ဘူး။ ကိုယ်အလိုရှိတဲ့ သားကောင်ကို လူအုပ်စုများများ နဲ့ ညာသံပေး ခြောက်လှန့် တဝေးဝေး တဝါးဝါးနဲ့ အော်၊ တစ်ဖက်ဖက်ကို ထွက်ပေါက်ပေးထားပြီး သားကောင်ကို ထောင်ချောက်ပိုက်ကွန်ထဲ ဝင်အောင် ပြုလုပ်ယူရတဲ့နည်းကိုပြောတာ။ တစ်ခါတရံမှာတော့ အဲလိုခြောက်လှန့်နေရင်းကနေ သားကောင်ကို ချောင်ပိတ်မိသလိုဖြစ်သွားရင်း သားကောင်က တစ်ဖက်ဖက်ကို အသက်ဘေးကြောင့် မရရအောင်ဖောက်ထွက်ရင်း ကံဆိုးတဲ့ ဘက်က လူခမျာတော့ ဗိုက်ပွင့်ပြီး သေရတတ်တယ်။ အဲဒီအခါကျရင်တော့ အမဲ သားကောင်မရတဲ့အပြင် လူနာထမ်းပြန်ပေါ့။

လိုချင်တဲ့ နောက်ဆုံး ရည်ရွယ်ချက်ပန်းတိုင်က ဘာလဲ? မွတ်စလင်မုန်းတီးရေးလား? ရိုဟင်ဂျာ တိုင်းရင်းသားဖြစ်ဖြစ် မဖြစ်ဖြစ် ဖင်ပိတ်ငြင်းရေး ဒို့အရေးလား? ဒေါ်အောင်ဆန်းစုကြည်နဲ့ အန်အယ်လ်ဒီ ပါတီ မဲမရအောင် ရည်ရွယ်ရုံ သက်သက်ပဲလား? ဒါမှမဟုတ် ကုလား တွေမရှိ ဗမာလက်အောက်က လွတ်မြောက်တဲ့ ရခိုင် နိုင်ငံတော် တည်ထောင်ဖို့ စိတ်ကူးယဉ် အိပ်မက်လား ၊ ဘာပဲ ဖြစ်ဖြစ် ဘယ်လိုပဲလုပ်လုပ် ဒီလူတွေကို ထွက်ပေါက်တစ်ခုတော့ ပေးသင့်တယ်။ ဒီလိုမှမဟုတ်ပဲ ဘာထွက်ပေါက်မှမပေး ဘာမှပြန်မလုပ်နိုင်တဲ့ သက်ကြီးရွယ်အို၊ မိန်းမ၊ကလေး ပါမချန် အသိဉာဏ်နည်းပါးစွာနဲ့ တွေ့သမျှလူ အကုန်လိုက်သတ်ဖို့ပဲကြိုးစားနေရင်တော့ အဆုံးသတ် ရလဒ်ဟာ မကောင်းပဲ အခန့်မသင့်ရင် ဗိုက်တောင် ပြန်အဖွင့်ခံရတတ်တယ်ဆိုတာကို သဘောပေါက်ပါ။

"လူနည်းစုကို လူများစုက အုပ်စုအားကိုး ဝိုင်းပြီး အနိုင်ကျင့် လက်နက်အားကိုးနဲ့ တစ်မြို့ပြီးတစ်မြို့ လွန်းထိုးသလိုလိုက်ဖျက် မြို့ခံလူထုပါ စီးပွါးပျက်နေရတာကို ကိုယ့်လူမျိုး ကိုယ့်ဘာသာကို ကာကွယ်စောင့်ရှောက်ခြင်းလို့ အထင်ရှိနေတယ် ဆိုရင်တော့ မှားမယ်သားကြီးတို့။"

ဒီနေရာမှာ ကိုယ်က များလို့ သာပေမဲ့ အခြားတနေရာမှာ နည်းရင် ကိုယ်က ပြန်ခံရတတ်တယ် ဆိုတာကို သတိပြုပါ။ ရေခြားမြေခြားမှာ မှာ အကြောင်းအမျိုးမျိုးကြောင့် ရောက်နေတဲ့ လူနည်းစုဖြစ်တဲ့ ကိုယ့်လူမျိုးတွေရဲ့မျက်နှာနဲ့ အသက်အိုးအိမ် စည်းစိမ်တွေကိုတော့ပြန် ငဲ့ညာသင့်တယ်။ ထပ်ပြောပါ့မယ်၊ ကိုယ်က တစ်နေရာမှာ များလို့ အနိုင်ကျင့်လို့ရပေမဲ့ နည်းတဲ့နေရာရောက်ရင် ပြန်ခံရတတ်တယ်ဆိုတာကို သတိပြုပါ။

"လုပ်ချင်တာလုပ် အဆုံးကျရင် ဗုဒ္ဓဘာသာ အချင်းချင်း အတူတူမို့လို့ အစိုးရက မသိချင်ယောင်ဆောင်ပြီး ခွင့်လွှတ်ပေးမယ်လို့ထင်နေရင် မှားမှာပေါ့ သားကြီးတို့၊"

စစ်အာဏာရှင် ဆိုတာမျိုးက သူတို့ ကြိုးစင် မတက်ရဖို့ အတွက် မည်သူ့ကို မဆို ထိုးကျွေးဖို့အဆင်သင့်ပြင်ထားတယ် ဆိုတာကို မြဲမြဲမှတ်ထားပါ။ ဒါတွေဟာ တကယ်တော့ ဦးနှောက်ဆေးခံရလို့ဖြစ်တာပါတဲ့၊ တကယ်တော့ အဲလို ဆေးဖို့အတွက်ကို ဦးနှောက်မှ မရှိတာ၊ ဘယ်လိုလုပ်ပြီး ဆေးလို့ရမှာလဲနော့။

အမြင်တူတူ မတူတူ လွတ်လပ်ပွင့်လင်းစွာ ဝေဖန် ဆွေးနွေးနိုင်သည်။ သို့သော်လည်း ချက်ကျလက်ကျလဲ ပြန်မပြောနိုင် ဘေးထိုင်ဘုပြောပြီး မဲမဲမြင်ရာ ဝင်ဆဲတတ်သော မိမဆုံးမ ဖမဆုံးမ၊ ဘုန်းကြီးမဆုံးမ မော်လဝီမဆုံးမ၊ အမေစု မဆုံးမ ဦးသိန်းစိန် မဆုံးမ၊ ကြံ့ဖွတ် မဆုံးမ ဒီမိုမဆုံးမ တပ်မတော် မဆုံးမ ၊၇၈၆ မဆုံးမ ၉၆၉ မဆုံးမ သားသမီး များ အွန်လိုင်း မျိုးချစ် ကီးဘုတ် သူရဲကောင်း အပေါင်းတို့၏ ရိုင်းစိုင်းသော ကောမန့်များကို အများပြည်သူ စိတ် အနှောင့်အယှက်မဖြစ်စေရေး အတွက် ပယ်ဖျက်သွားမည်ဖြစ်ကြောင်း အသိပေးအပ်သည်။

စိတ်မရှိပါနဲ့၊ မကျေနပ်ရင် ရေမရှိတဲ့ ချောင်းမှာ နှာခေါင်းဖော်ပြီး သွားသေပါ။

အတီး (ဝါးလုံးရှည်)

ဆပ်ပြာကျလို့ ကုန်းကောက်တာမှ ဖင်ကြီးပါထပ်ပြောင်သွားတဲ့ ပဲခူးတိုင်း ဝန်ကြီးချုပ်ရဲ့ဖြစ်စဉ်

Photo Credit: Internet 

မြွေနဂါးတောင် မကြောက်ဘူး ဆိုတဲ့ ပဲခူးတိုင်းဝန်ကြီးချူပ် ပေမဲ့ အွန်လိုင်းက ငဖွတွေရဲ့ ရန်ကိုတော့ ကြောက်ရှာသား။့ သူ့ခမျာ နောက်တစ်ရက်မှာ ရေထဲထပ်ဆင်း၊ပုဆိုးကြီးမပြီး ဓာတ်ပုံ အရိုက်ခံရရှာတယ်။ 

ဟီးဟီး၊ လိမ်ချင်ရင်လဲ ပိပိရိရိလေးတော့ လိမ်ပါ ဝန်ကြီးရယ်။ တိုက်ပုံလေး တူအောင်ပြန်ဝတ်ပြီး အရင်နေ့က မျက်နှာငယ်လေးတွေနဲ့ လှေတွန်းပေးရတဲ့ လူတွေပြန်ရှာ၊ အဲဒီလူတွေမရရင်တောင်မှ အခြားပြည်သူလို့ ထင်ရတဲ့ တွေ့ကရာ လူတွေထည့်ရိုက်လိုက်ပြီးတာပါပဲ၊ ပြီးစလွယ် နဲနဲနဲ့ ကျဲကျဲဝိုင်းလိုက်တော့ အရှက်ကွဲတာပြန်ဆယ်ပါတယ် ဆိုပါမှ ဆပ်ပြာကျလို့ ကုန်းကောက်တာကို ပုဆိုးကျွတ်ကျပြီး ဖင်ပြောင်ကြီးဖြစ်ကာ တစ်ရှက်က နှစ်ရှက်ကွဲရတော့တာပါပဲ။ နောက်ရက်ဆိုရင်တော့ လက်ပစ်ကူးတို့၊ ခွေးကူးကူးနေတဲ့ ပုံတွေပါ တက်လာမလားတော့ မပြောတတ်ပါ။

ဘာပဲဖြစ်ဖြစ် အပြုသဘောမြင်ရရင်တော့ ကောင်းပါတယ်။ အောက်ခြေကပြည်သူတွေ အတွက်တော့ ထားရာနေ၊စေရာသွား အာဏာရှင် လုပ်သမျှခံနေရတဲ့ ဘဝကနေ အာဏာရှင်တွေရဲ့ အမှားကို ပြန်ထောက်ပြ ၊ပြောပြလုပ်နိုင်တဲ့လက်နက်တစ်ခုရသွားတာပေါ့လေ။ အွန်လိုင်းရဲ့ ဖော်ပြမှုတွေကို အရေးစိုက်လာရတဲ့သဘောလည်းသက်ရောက်သွားတာပေါ့။ အတိုက် အခံကောင်းမှန်ရင် အစိုးရက မှားတာလုပ်နေရင် ရဲရဲကြီးကို ထောက်ပြနိုင်ရပါတယ်၊ ဒါမှသာလျှင် တကယ့်အတိုက်အခံ စစ်စစ်ဟု ပီသစွာ ခေါ်ဆိုနိုင်မည်ဖြစ်ပါတယ်။

အခုတော့ ဒီလိုမဟုတ်ပါ၊ အတိုက်အခံ ပါတီက အစိုးရကို ထောက်ပြနိုင်ဖို့ နေနေသာသာ ၊အမှန်တရားကို ထုတ်ပြောမိတာနဲ့ ကိုယ်ရတဲ့နေရာလေးပျောက်သွားမှာစိုးရိမ်ရလို့ လို့ နှုတ်ပိတ်နေရတဲ့ဘဝ။ တကယ်က အွန်လိုင်းက ပြောမှ ပြုတာထက် မိမိကိုယ်ကို လူစိတ်ရှိအောင် မွေးနိုင်ကြရင် အဆင်ပြေပြီ။ ကျွန်တော်ကတော့ အဲဒီလို ပြည်သူတွေအပေါ် အစစ်အမှန် မေတ္တာမရှိတဲ့ အာဏာရှင်တွေအနေနဲ့ ရေကြီးတဲ့နေရာကို လှေနဲ့ပဲသွားသွား၊ ပုဆိုးခါးတောင်းကျိုက်ပြီးပဲသွားသွား၊ ခွေးကူးပဲကူးပြီးသွားသွား စိတ်မဝင်စားဘူးခင်မျ။ ရေဘေးဒါဏ်ခံနေရတဲ့ အောက်ခြေကပြည်သူတွေရဲ့ ဒုက္ခရောက်နေတဲ့အခြေအနေ ဘယ်လောက်တိုးတက်သွားပြီလည်း ရေဘယ်လောက်ကျသွားပြီလည်း ဆိုတာပဲ စိတ်ဝင်စားတယ်။

ဒီနေရာမှာ ဒီလို အစိုးရလို့ မသုံးပဲ အာဏာရှင် လို့ သုံးရတဲ့ အတွက်လည်း ကိုယ့်လိပ်ပြာကိုယ်သန့်တယ်။ အကြောင်းကတော့ ဘယ်ပြည်သူမှလဲ မထောက်ခံပဲကိုယ့် ဟာကို ခပ်တည်တည်နဲ့ အဝတ်အစားလဲပြီး လွှတ်တော် အအေးခန်းထဲ တက်ထိုင်နေတဲ့ လူတွေ အတွက် ဘယ်တုန်းကမှ မထောက်ခံဘူးသလို့ နာဂစ်တုန်းကလည်း ကိုယ့်အိမ်အမိုးတောင် ကောင်းကောင်းလုံအောင် မဖုံးနိုင်သေးတာတောင်မှ အခြေခံဥပဒေကို တကူးတက သွားပြီး ကြက်ခြေခတ်ကြီး သွားထည့်ပေးထားလို့ပါပဲ။

ဒီလိုပြောလို့ မင်းကကော ဘယ်လောက်တတ်လို့ နိုင်ငံရေးပါရဂူလုပ်ချင်ရတာလဲ?မင်းကကောဘယ်လောက် လုပ်ပြီးပြီမို့လို့လဲ ဆိုတဲ့ စကားနာထိုးချင်သူများအဖို့ တစ်ခါတည်းကြိုပြောလိုက်ပါ့မယ်။ဟုတ်ကဲ့၊ ကိုယ့်နိုင်ငံရဲ့ နိုင်ငံရေး အလှည့်အပြောင်း အချိုးအကွေ့တိုင်း လိုအပ်တဲ့ အချိန်တိုင်းမှာ ရေသာမခိုပဲ ပါဝင်ခဲ့ဖူးပါသည်။

အတိအကျ သိချင်ရင်လည်း ပြောပါ့မည်၊

၈၈ အရေးအခင်း မဖြစ်မှီ တနှစ် အလိုတွင်သာ မွေးပြီးလူဖြစ်လာရဖြစ်သည်။ ထို့ကြောင့် ၈၈ အရေးအခင်းဖြစ်ချိန်တွင် တစ်နှစ်ကျော်သာရှိသေးသည်။ သို့သော်လည်း အဲဒီ အချိန်တုန်းက ရင်သွေးငယ်များ သမဂ္ဂတို့၊ ပူတူတူးလေးများ ကွန်ရက်တို့ ဘာတို့ မပေါ်သေးတော့ အတီးတစ်ယောက်လည်း အဖေ၊ အမေ ရင်ခွင်ထဲတွင်သာနေရင်း ဆန္ဒပြ လူတန်းကြီးကိုကြည့်ကာ လက်ခုပ်သာတီးခဲ့ရလေသည်။

အလယ်တန်း၊ အထက်တန်း ကျောင်းသား ဘဝရောက်တော့ နည်းနည်းတိုးတက်လာသည်။
နိုင်ငံရေး အခြေအနေ ရုတ်ရုတ် ရုတ်ရုတ် ဖြစ်သည်ကြားသည်နှင့် တပြိုင်နက် ကျောင်းသို့မသွားတော့ပဲ ရန်ကုန် ဒလ သင်္ဘောအား တနေကုန် ခေါက်တုံ့ခေါက်ပြန်စီးခြင်း၊ ကမ်းနား၌ ရေကူးခြင်း၊ စွန်လွှတ်ခြင်း၊ငါးမျှားခြင်း၊ ရသမျှ မုန့်ဖိုးကုန်အောင် ဂိမ်းဆိုင်၌ ထိုင်ကာ ဂိမ်းဆော့ခြင်း စသည့် နည်းလမ်းမျိုးစုံနှင့် ကျောင်းမတက်ပဲ ကျောင်းပြေးကာ အာဏာရှင်အား တော်လှန်ခဲ့ဖူးသည်၊ ဒီထက်ပို၍ ဘာလုပ်လို့လုပ်ရမည်မှန်းလဲ မသိ၍ဖြစ်သည်။

ဒီလိုနဲ့ပဲ တက္တသိုလ် ကျောင်းသား ဘဝရောက်ပြန်တော့လည်း အဖြူရောင် ကမ်ပိန်းနှင့် ကြုံသည်နှင့် သူများထက် ထူးအောင် အပေါ်ကော အောက်က ဘောင်းဘီပါ အဖြူရောင် ထည်ထည်ကြီး ကိုယ်တိုင်လည်း ဝတ်သလို လူများတွေကိုလည်း လိုက်လံ နှိုးဆော်သဖြင့် ရုံးခန်းရောက်ကာ ကဲမင်းတို့တတွေ လက်ချာခန်းထဲ မရောက်ပဲ ထန်းတောထဲပဲ ရောက်နေမဲ့ အတူတူ စာမေးပွဲဖြေမှသာ လာဖြေကြတော့ကွာဟူ၍ ပါချုပ်၏ အနားပေးမှူကို ကြည်ဖြူစွာ ခံယူဖူးသည်။

ဟော ကျောင်းအပြီး သိပ်မကြာပါ။ ရွှေဝါရောင်တော်လှန်ရေး ဖြစ်သည်နှင့် အတူ မိုးဦးကျမှာ ပေါက်သည့်မှိုများ အလား များပြားလှသည့် ကျောင်းသားခေါင်းဆောင်ဆိုသည့်ကိုယ့်ထက် ငယ်သည့် ညီငယ်များ အကြား ကျောင်းသားနောက်လိုက် လုပ်ဖူးသည်။ရှေ့မထွက်ချင်၊ မထွက်ရဲ၍တော့ မဟုတ်။မဟုတ်က ဟုတ်က ပေါက်ကရ အော်နေသော သူငယ်ချင်းများ၊ညီငယ်များ၊ ဖျက်လိုဖျက်စီး လုပ်ချင်သော လူများ၊ စစ်သားတွေကို ခဲနဲ့ပြန်ထုနေသော လူများကိုသာပတ်ထိန်းရင်း တော်လှန်ရေး တလျှောက် ကျောင်းသားနောက်လိုက်အဖြင့် သာ အချိန် ကုန်သွားခဲ့ရသည်။

အခုမှ စကားစပ်ရင်းနဲ့ ကြုံလို့ သတိရတယ်။

မျိုးချစ်ဝါဒီများ၊ ဘာသာ သာသနာအတွက် သူရဲကောင်းများ၊ ၉၆၉ သင်္ကေတများ မှာ သံဃာတော်များ စစ်ဖိနပ်အောက်မှာ ရိုက်နှက်ခံ အသတ်ခံ ကန်ကြောက်ခံနေရတုန်းကတော့ ဘယ်ရောက်နေမှန်း မသိပါ။ တိုင်းပြည်မှာ အနည်းငယ်လွတ်လပ်ပွင့်လင်းမယ် ကြံကာရှိသည်၊ နောက်ပြန်လှည့်ရန် သက်သက်ဖြင့် ဘာသာရေး၊ လူမျိုးရေးကို ခုတုံးလုပ်ကာ အကြံပက်စက်ချင်နေကြပြီ။

မူရင်း ပို့စ် အဆိုကို ပြန်ကောက်ယူရသော်

အွန်လိုင်းပဲဖြစ်ဖြစ်၊ ဘယ်ကပဲဖြစ်ဖြစ် ပြောမှသိ ထိမှနာ တာထက်စာရင် လူပီသပြီး လူစိတ်ရှိစွာဖြင့်ပြည်သူမှန်ရင် ကျောသားရင်သား မခွဲခြားပဲ ဘယ်နေရာပဲရောက်ရောက် မဲရရန်သက်သက် စိတ်မကူးပဲ တကယ့် မေတ္တာစစ်နဲ့ သွားရောက် ကူညီပေးနိုင်ရန်သာလိုအပ်ပါသည်။

ရေကြီးတာလဲ ဒုက္ခသည်ဖြစ်သလို မီးရှို့ခံရတာလည်း ဒုက္ခသည်ဖြစ်ကြောင်း သိစေချင်သည်။
ခွေးကူးပဲကူးကူး၊လေးဘက်ထောက်ပြီးပဲရောက်အောင်လာလာ ကျွန်တော်တို့ ပြည်သူများမှ ဝမ်းပန်းတသာ ကြိုဆိုပါမည်ဖြစ်ပါကြောင်း။

အတီး (ဝါးလုံးရှည်)

ကိုယ်ချင်းစာတရား

Photo Credit: Internet

ကမ္ဘာပေါ်ရှိ လူသားများ ကိုးကွယ်သည့် ဘာသာတိုင်းနှင့် အကျုံးဝင်ပြီး လောက ဆက်ဆံရေးတွင် အရေးကြီးဆုံးသော အရာသည် ကား အခြားမဟုတ် လူလူချင်း ကိုယ်ချင်းစာတရား ပင်ဖြစ်သည်။ မိမိကိုးကွယ်သည့် ဘာသာ အပေါ်မည်မျှပင် ကိုင်းရှိုင်းစေကာမူ၊ အဘယ်မျှပင် ချစ်မြတ်နိုး ၍ ကြည်ညိုစေကာမူ ကိုယ်ချင်းစာတရား မရှိသော လူသည် အရွယ်အစား ကြီးမားသော်လည်း အတွင်းတွင် အဆီအနှစ် ဘာမှမရှိပဲ အတွင်းလှိုဏ်စားကာ အခြေမခိုင် ခြောက်သွေ့နေသည့် သစ်ပင်ကြီးနှင့်သာ တူတော့သည်။ အခန့်မသင့်၍ လေကြမ်းကြမ်း သို့မဟုတ် ရုတ်တရက် ဖောက်လွဲဖောက်ပြန်ဖြစ်တတ်သည့် ဥတုရာသီနှင့် ကြုံရပါက အချိန်မရွေးပြိုလဲသွားနိုင်သည်။ ထိုနည်းတူစွာပင် ဘာသာတရားကိုင်းရှိုင်းသော်လည်း ထိုသူ၏ ဦးနှောက် အသိဉာဏ်ထဲတွင် ဘာသာတိုင်း၏ အခြေခံ သဘောတရားဖြစ်သည့် ကိုယ်ချင်းစာ တရား မရှိပါမူ အချည်းနှီးပင် ဖြစ်သည်။ အခန့်မသင့်၍ တစ်စုံတခုသော အကြောင်း အရာတစ်ခုကို အရင်းပြု၍ ဝါဒမှိုင်းတိုက်ခြင်းခံရပါမူ ဒုစရိုက် အကြမ်းဖက် သမားတစ်ဦး အဖြစ်ပင်ပြောင်းလဲသွားနိုင်သည်။ လူ သတ္တဝါတိုင်းတွင် တွေ့ရတတ်သော အကျင့်တစ်ခုမှာ သက္ကာယ ဒိဋ္ဌိ ဟူသော ငါစွဲ အတ္တ ရှိတတ်ကြသည်သာ ဖြစ်၍ ငါ့လူမျိုး၊ငါ့နိုင်ငံ၊ ငါ့ဘာသာ ဟူ၍ အဆုံးမှာတော့ ငါ ကောင်းဖို့တည်း ဟူသော ရှူထောင့်မှ ကြည့်တတ်ကြသည်သာချည်းဖြစ်၏။

ပြဿနာတစ်ခုကို ရှူမြင်သည့် အခါတိုင်းတွင် တရား မျှတခြင်း ရှိမရှိ၊ သဘာဝ ကျလား မကျလား ဆိုတာ အပထား လို့ ဟ ဒီလိုဆိုရင်တော့ ငါ့ အကျိုးယုတ်မှာပဲ ဟယ် ဒီလိုဆိုရင်တော့ဖြင့် ငါ့ အကျိုးရှိလိမ့်မည် ဟူသော အမြင်မျိုးများဖြင့် ပြူလုပ်ဖန်တီး မိသော လူတို့၏ လုပ်ရပ်များမှာ ထိုသူတို့၏ ရည်ရွယ်ရာသို့ မရောက်တတ်ပဲ အလွဲလွဲ အချော်ချော်နှင့် အရှက်တကွဲ အကျိုးနည်းဖြစ်ကာ နောက်ဆုံးတွင်တော့ မြောင်းထဲသာ ရောက်သွားတတ်သည်သာဖြစ်သည်။ ကျွန်တော် ဆိုလိုသည်မှာ ကိုယ်ချင်းစာတရားထားတတ်သောသူသည် ချမ်းသာသောလူ၊ ဂုဏ်ရှိသောသူ၊ အာဏာရှိသောသူ စသည့် လူများထက် သာလွန်မြင့်မြတ်ပေသည်။

အတီး (ဝါးလုံးရှည်)

ဖေ့ဘုတ် ဈေးတန်း မှ အရူး

Photo Credit: Internet
Disclaimer: Photo doesn't represent the post.

တွေးမိတာလေးတစ်ခုပါ။

ဖေ့ဘုတ်ကြီးကိုသာ အပြင်မှာ ရောင်းဝယ်ဖောက်ကားနေတဲ့ ဈေးတန်းကြီးတစ်ခု အဖြစ်မြင်ကြည့်ကြပါစို့၊သူဌေး ဆင်းရဲသား အပျို အအို အရွယ်ဆုံ ဆိုဒ်စုံ စစ်သား ဒီမို ကွန်မြုနစ် ကုန်သည် ဝန်ထမ်း ဘယ်သူမဆို ဖေ့ဘုတ် ဈေးတန်းကြီးမှာ မြင်နိုင်သည် ။ဈေးထဲတွင် ငွေတစ်မတ်နှင့် ငါးကြင်းခေါင်း တက်ကိုင်၍မရနိုင်သော်လည်း အင်တာနက်ဖိုး ငွေ ၃၀၀ကျပ်ရှိရုံနှင့် နိုင်ငံရေး ဝေဖန်သူ သုခမိန်တစ်ယောက် အဖြစ် တက်ရေးနိုင်သည်။ အပြင်က မကျေနပ်ချက်တွေကိုလိုင်းပေါ်လာပြီး ပေါက်ကွဲနိုင်သည်၊ မထင်ရင် မထင်သလို မဲမဲမြင်တာ ဝင်ဆဲပြီး အမျိုး၊ဘာသာ ကို ကာကွယ် စောင့်ရှောက်သည့် သူရဲကောင်းတစ်ယောက်လည်း ဖြစ်နိုင်ပါသေးသည်။ တကယ်ကို လွတ်လပ်ပြီး ကျယ်ပြန့်လှသည့် ရောင်စုံ ဈေးတန်းကြီး အသွင်ဖြစ်သည်၊

သင် သတိထား၍ကြည့်လိုက်ပါ၊ မည်သည့် ဈေးတွင်မဆို အရူးတစ်ယောက်လောက်တော့ ရှိနေတတ်သည်၊ အရူး မရှိသော ဈေးမှာ ခပ်ရှားရှား၊ ဈေး၏ လက္ခဏာ ဝိသေသ များတွင် အရူးပါရှိမှ ပြည့်စုံသည်လားတော့ မပြောတတ်ပါ။ အရူး မရှိသော ဈေးမှာ တခုခု မပြည့်စုံသလို ဟာတာတာနှင့်ပင်။ ကျွန်တော်တို့ဈေးတွင်လည်း အရူးတစ်ယောက်ရှိသည်၊ သူကတော့ ဘဝင်ရူး တစ်ခါတစ်ခါ သူ့ကိုယ်သူ ဘုရင်ဖြစ်သွားလိုက် တစ်ခါတစ်ခါလူကြီး လူကောင်းဖြစ်သွားလိုက်နဲ့ သူ့အနားရောက်လာတဲ့ လူတွေကို ဩဇာအာဏာပေးတတ်သည်၊ သူ့အရပ်နဲ့ သူ့ဇာတ်တော့ ဟုတ်နေကြသည်၊ သူ့ အဆင့်အတန်းကို တပြားသားမှ မလျော့နိုင်၊ တစ်ခါတရံမှာတော့ အရမ်းဆာလောင်နေတတ်ပြီး တခါတရံတော့ ဈေးထဲမှ လူများကို အလိုမကျသည့်ပုံစံဖြင့် တစ်ယောက်တည်းပါးစပ်မှ ပွစိပွစိနှင့်ကြိမ်းမောင်း ဟိန်းဟောက်နေတတ်သည်။ ဈေးသွား ဈေးပြန်လူများကတော့ သူ့ကို ကြည့်ပြီး ပြုံးစိစိ လုပ်သွားကြသလို အချို့ကတော့ အသံထွက်အောင် ရယ်မောသွားကြသည်။တစ်ခါတစ်လေ တွင်တော့ ဖြတ်သွားဖြတ်လာ လူများက အပျော်သဘောနှင့် စကြလျှင် ဒေါသတွေ ထွက်ကာ ကျယ်ကျယ်လောင်လောင်ဖြစ်နေတတ်ပြီး လက်ခုပ်တီးကာ မြှောက်ပေးမည့်လူများရှိသည့်အခါမှာတော့ ကွေးနေအောင် ကတတ်သေးသည်။

သို့သော် သူကတော့ ရှက်တတ်ပုံမရ၊ တကယ်တော့ ရှက်ခြင်းသည် ကိုယ်နေထိုင်သည့် လူ့ပတ်ဝန်းကျင် အသိုင်းအဝိုင်းကို ငဲ့ကွက် ထည့်တွက်ခြင်းဖြစ်သည်၊ ဤအရူးတွင် ပတ်ဝန်းကျင် လူ့အသိုင်းအဝိုင်း ဆိုသောအရာ စိတ်ထဲတွင် ရှိတော့ပုံမရ၊ သူ၏ ပတ်ဝန်းကျင်၊အသိုင်းအဝိုင်း ဆိုသည်မှာ သူကျင်လည်ကျက်စားရာ ဖေ့ဘုတ်ဈေးတန်း အသိုင်းအဝိုင်းလောက်ဟုသာ ဉာဏ်မှီသည်၊ သူ့ကမ္ဘာ သူ့ဈေးတန်း သူ့လောကထဲတွင် သူ့အထင်နှင့်သူ အဟုတ်ကြီးဟုတ်နေတော့သည်၊ ဘေးပတ်ဝန်းကျင် အမြင်တွင်တော့ အဘယ်မျှ ရယ်စရာ အဘယ်မျှ သနားစရာကောင်းနေမှန်း သူကိုယ်တိုင်မသိ၊ မသိတော့ ရှက်စရာ ကောင်းမှန်း မသိ၊ သနားစရာ ကောင်းလှသည်မှာတော့ အမှန်ပင်။

ဒါကိုကြည့်ပြီးနောက် ခေါင်းထဲမှာ အတွေးတစ်ခု ဝင်ရောက်လာခဲ့သည်၊ ရှက်ခြင်းတွင်တန်ဖိုးရှိသည်၊ ရှက်တတ်ခြင်းသည် မထူးခြားသော သာမန်လူတစ်ယောက်၏ ထူးခြားသော ကိုယ်ရည်ကိုယ်သွေးတစ်ခု ဖြစ်နေခဲ့သည်၊ ရှက်တတ်ခြင်းဟူသော မျဉ်းတစ်ကြောင်းက သူကောင်းနှင့် သူရူးဟူသော အခြေအနေ နှစ်ရပ်ကိုကွဲကွဲပြားပြားဖြစ်အောင် ပိုင်းခြားထားလိုက်လေတော့သည်။ ရှက်တတ်နေသေးသောသူသည် ပတ်ဝန်းကျင်နှင့် သဟဇာတဖြစ်အောင် ကိုယ့်ကိုယ်ကို ထိန်းညှိနိုင်သေးသောသူ ဖြစ်သည်၊ ပတ်ဝန်းကျင်နှင့် လိုက်လျောညီထွေ ဖြစ်အောင် မိမိ၏ အမူအကျင့် ကို ပြောင်းလဲနိုင်သော သူ ဖြစ်သည်၊

အကယ်၍ သင်ဟာ မရှက်တတ်တော့ဘူး ဆိုလျင်ဖြင့် စောစောက အရူးလို ပတ်ဝန်းကျင် လူ့အသိုင်းအဝိုင်းနှင့် ကင်းပြတ်ကာ ကိုယ့်အတွေးနှင့်ကိုယ်ဟုတ်ပြီး ဈေးတန်း ထဲတွင် သာယာနေပေလိမ့်မည်၊ ကိုယ့်ဘာသာကိုယ် ထင်ချင်တာထင် မြင်ချင်တာမြင် လုပ်ချင်တာလုပ် ဘယ်သူ့ကိုမှ ဂရုစိုက်တော့မည်မဟုတ်၊ဂရုစိုက်စရာလဲ လိုမှ မလိုတော့တာပဲ။ ဒါပေမဲ့ သူ့ရဲ့ မရှက်တတ်ခြင်းက ဖေ့ဘုတ်ဈေးတန်းပေါ်က ရောင်စုံ လူများကို အပျင်းပြေစေတာတော့ အမှန်ပင်။

ဘာပဲ ဖြစ်ဖြစ် ကျွန်တော် ယခုအချိန်အထိ ရှက်တက်နေသေးတာကို ကြံကြံဖန်ဖန် မိမိကိုယ်မိမိ ဂုဏ်ယူနေမိပါသည်။ ကဲ စာရှူသူမိတ်ဆွေ၊ သင်သည်လည်း ဤဖေ့ဘုတ် ဈေးတန်းရှိ အရူးသည် မည်သူဖြစ်သည်ဆိုတာ ရှာဖွေရင်း လူကောင်းတစ်ယောက်ဖြစ်ရခြင်းကို ဘုမသိ ဘမသိနှင့် ဂုဏ်ယူနိုင်ကြောင်း သတင်းကောင်းပါးအပ်ပါသည် ခင်ဗျာ။

ဖတ်ဖူးတဲ့ စာစုတစ်ခုအား ဒီနေ့သတိထားမိလိုက်ရတဲ့ လူတစ်ယောက်ရဲ့ အဖြစ်အပျက် ကြောင့် ပြန်သတိရကာ ယှဉ်ထိုး၍ ခေါင်းထဲပေါ်ရာ ချရေးလိုက်ခြင်းဖြစ်သည်။

အတီး (ဝါးလုံးရှည်)

ဦးဝီရသူဟာ အကြမ်းဖက်သမား ဟုတ်မဟုတ် လေ့လာဆန်းစစ်ခြင်းနှင့် သက်သေ အထောက်အထားများ

Photo Credit: http://img.timeinc.net/time/images/covers/europe/2013/20130701_600.jpg

အမေရိကန် အခြေစိုက် TIME မဂ္ဂဇင်းရဲ့ ဇူလှိုင်လ ၁ ရက်နေ့ ထွက်မယ့် မဂ္ဂဇင်း မျက်နှာဖုံးမှာ ဦးဝိရသူရဲ့ ဓာတ်ပုံကို ဖော်ပြပြီး The face of Buddhist Terror အမည်နဲ့ ဆောင်းပါးဖော်ပြခဲ့တာနဲ့ ပတ်သက်ပြီးတော့ လက်ရှိ မြန်မာလူမျိုးများနှင့် ဗုဒ္ဓဘာသာဟာ အကြမ်းဖက်ဘာသာဖြစ်ကြောင်း လူအများ၏စိတ်ထဲတွင် ထင်ယောင်ထင်မှားဖြစ်စေမှူနဲ့ ပတ်သက်ပြီး အရင်လေ့လာ တင်ပြလိုပါတယ်။TIME မဂ္ဂဇင်းရဲ့ အသုံးအနှုံးဟာ The face of Buddhist Terror လို့ သုံးနှုံးထားတဲ့အတွက် ဗုဒ္ဓဘာသာ အကြမ်းဖက်သမား "တစ်ဦး" ဟူ၍သာ ဦးဝီရသူ တစ်ဦးတစ်ယောက်ထဲကို ရည်ရွယ်ရေးသားခြင်းဖြစ်ကြောင်း အဓိပ္ပာယ်တိတိကျကျရပါတယ်။

ဗုဒ္ဓဘာသာနှင့် ၊ ဗုဒ္ဓဘာသာဝင် အားလုံးသည်အကြမ်းဖက်ခြင်းဖြစ်သည်ဟု ရည်ရွယ်ရေးသားခြင်းမဟုတ်လို့ ဒီကိစ္စကို အကျယ်တဝင့် ရှင်းပြစရာမလိုတော့ပဲ ဗုဒ္ဓဘာသာ သာသနာတော်အပေါ် အပေါ် ခြုံငုံရေးသားခြင်းသည်ဖြစ်သည်ဟု ထင်မြင်ချက်သည် မမှန်ကန်ပဲ မှားယွင်းချွတ်ချော်ချက်တစ်ခုသာဖြစ်သည်ဟုသာ ထင်ရှားပေါ်လွင်စေပါတယ်။

ဒီအချက်ကြောင့် ဒီလိုအရေးအသားမျိုးကို ကန့်ကွက်ခြင်းမျိုးဟာ ဦးဝီရသူအပေါ် ရေးသားချက်အားကန့်ကွက်ခြင်းသာ ဖြစ်စေပြီး ဗုဒ္ဓဘာသာအပေါ် စွပ်စွဲရေးသားချက်အား ကန့်ကွက်ရာ မရောက်ကြောင်း အဓိပ္ပာယ် သက်ရောက်စေပါတယ်။

ထူးခြားတာတစ်ခုကတော့ ဒီကန့်ကွက်ချက်ကို မြန်မာအစိုးရပိုင် သမ္မတရုံး ၀က်ဆိုက်မှာဖော်ပြလာခဲ့ပြီး ပထမဆုံး အနေနဲ့ ရဟန်းသံဃာတော်တစ်ပါးတည်း ဘက်မှ ရပ်တည်ကန့်ကွက်ကြောင်း ဖော်ပြချက်ဖြစ်ပြီး မြန်မာဘာသာဖြင့်သာ ရေးသားဖော်ပြထားကာ အင်္ဂလိပ်ဘာသာဖြင့် ဖော်ပြထားခြင်းမျိုး မရှိပါဘူး။စိတ်ဝင်စားစရာကောင်းသည့်အချက်ကတော့ ထိုကန့်ကွက်ချက်နှင့် ဘယ်လိုမှ ပတ်သက်မှူ မရှိသည့် ၉၆၉ ဆိုသည့် ဂဏာန်း သင်္ကေတအား ဗုဒ္ဓသာသနာတော်ကို ညိုးနွမ်းစေနိုင် မည့် နေရာဌာနနှင့် ကိစ္စများတွင် အသုံးမပြုရန် မေတ္တာရပ်ခံထားသည့် အကြောင်းကိုပါ ဖော်ပြထားခြင်းပဲဖြစ်ပါတယ်။

ရှင်းလင်းအောင် တင်ပြရမယ် ဆိုရင်တော့ ဒီအသုံးအနှုံး ဟာ ဦးဝီရသူ တစ်ယောက်ထဲနှင့်သာ သက်ဆိုင်သော အသုံးအနှူန်းဖြစ်ပါကြောင်းပေါ်လွင်စေပါတယ်။ ဒီအတွက်ကြောင့်ကန့်ကွက်မယ် ရှုံ့ချမယ်ဆိုရင်တော့ ဆရာတော် ဦးဝီရသူဟာ ဒီလို အကြမ်းဖက်လုပ်ရပ်တွေကို မလုပ်ခဲ့ကြောင်း သက်သေပြဖို့လိုပါတယ်။

ကဲ ဒါဆို ဦးဝီရသူရဲ့ ရပ်တည်ချက်နဲ့ နောက်ခံ သမိုင်းကြောင်းကို စာရှူသူမိတ်ဆွေနဲ့ စာရေးသူ ကျွန်တော် အတူတကွလေ့လာကြည့်ရအောင်။ တွေရှိလာတဲ့ ဖြစ်ရပ်သက်သေများကို စာရေးသူရဲ့ အမြင်သက်သက်ဖြင့်သာ မတင်ပြပဲ စာဖတ်သူကိုယ်တိုင်ကိုယ်ကျ တရားသူကြီး လုပ်၊ ဆုံးဖြတ်စီရင်ပေးကြပါရန် ကြိုတင်မေတ္တာရပ်ခံလိုပါတယ်။။

တခါတရံတော့လဲ တရားသူကြီး အချင်းချင်း သဘောထား မတိုက်ဆိုင်ပဲ မတူကွဲပြားမှူများလည်းရှိကောင်းရှိနိုင်ပါသေးသည်၊ ဒီလို မတင်ပြမှီ လူတစ်ဦးတစ်ယောက်၏ လုပ်ရပ်သည် သူလိုက်နာကျင့်သုံးသည့်ဘာသာ (သို့) အဖွဲ့အစည်းတစ်ရပ်ကို ဘယ်လိုမှ ကိုယ်စား မပြုမှန်း ရှင်းလင်းစွာ သိရှိထားဖို့လိုပါတယ်။

ဆရာတော် ဝီရသူဟာ အကြမ်းဖက် လုပ်ရပ်ကို အားပေးလို့ ဗုဒ္ဓဘာသာဝင်တိုင်းဟာ အကြမ်းဖက် သမားများ ဖြစ်တယ်လို့ မယူဆနိုင်သလို ရာဇဝတ်မှူ ကျူးလွန်သည့် မွတ်စလင် လူဆိုးတစ်ယောက်ကြောင့် မွတ်စလင်အားလုံးဟာ ရာဇဝတ်သားများ ဖြစ်တယ်လို့ သတ်မှတ်လို့ မရနိုင်ပါ။ ဒီသဘောတရားကို ရှင်းလင်းကွဲပြားစွာ နားလည်ထားဖို့တော့လိုပါတယ်။ စုန်းပြူးဆိုတာ နေရာတိုင်းမှာ ရှိတတ်ပါတယ်။

ဆရာတော် ဦးဝီရသူ အဖြစ် စတင်ကျော်ကြားလာစေခဲ့တာကတော့ လွန်ခဲ့သည့် ၁၀ နှစ်ခန့် ၊၂၀၀၃ ခုနှစ် စက်တင်ဘာ ၃ ရက်နေ့၊ မန္တလေးမြို့ သာသနာ ၂၅၀၀ အထိမ်းအမှတ်၊ ၄၅ တာ ဓမ္မာရုံမှာ ဟောကြားခဲ့သည့် တရားပွဲတွင် အမျိုး ဘာသာ သာသနာကို စောင့်ရှောက်ရေး တရားဟု ခေါင်းစဉ်တပ်ထားသော်လည်း တောင်မြင့်တွင် တရားမဝင်ကားခိုးမှု တခုဖြစ်ပွားခဲ့မှုကို အကြောင်းပြုပြီး အစ္စလာမ်ဘာသာဝင်များကို အကြမ်းဖက်လုပ်ဆောင်ရန် စီမံကိန်းချထားကြောင်း၊ မြေပုံနှင့်တကွ သေချာစီမံထားကြောင်း၊ မိမိက စပြီး အမိန့်ပေးလိုက်သည်နှင့် ဖျက်ဆီးရေး လုပ်ငန်းများ လုပ်ဆောင်ရန် တရားပွဲတက်ရောက်လာသည့် ရဟန်းသံဃာများကို လှုံ့ဆော်ခဲ့ခြင်းဖြစ်သည်။ အပြည့်အစုံကို နားဆင်လိုသူများအတွက် https://www.dropbox.com/s/whikw3saw7ogj4f/2003%20sep%20by%20wirathu.mp4

ယင်းမတိုင်မှီကလည်း လက်ဖဝါးပေါ်မှ ကံကြမ္မာ ဟူသော တရားပွဲများ ပြုလုပ်ကာ ဗုဒ္ဓဘာသာမှ အခြား ခရစ်ယာန်ဘာသာ၊ အစ္စလာမ်ဘာသာ အကြောင်းကူးပြောင်းသွားသူများ အကြောင်းကို အဓိကထားဟောပြောခဲ့ပါတယ်။ http://www.youtube.com/watch?v=ke76q1Ycw3I

ဆရာတော် ဦးဝီရသူမှ ခရစ်ယာန်ဘာသာဟာ တောင်တန်းဒေသများ အပေါ် မည်သို့ မည်သို့ နယ်ချဲ့သာသနာပြုခဲ့ကြောင်း၊ ပြည်မ ဒေသကို မရောက်အောင် ကာကွယ်ရမည်ဖြစ်ကြောင်း ပုတ်ခတ် ပြောဆိုခဲ့သည့် အသံဖိုင်ကိုလဲ ဒီမှာရယူနိုင်ပါတယ်။ http://www.dhammavideo.com/media/4135/1/

ထို့နောက် ၁၅ရက် ၁၀လ ၂၀၀၃ ကျောက်ဆည်မြို့ဈေးတန်းရပ် လေးမျက်နှာဘုရားကွင်းတွင် ကျင်းပခဲ့တဲ့ ၀ီရသူ အမျိုးသားရေး တရားပွဲများ စတင်ပြုလုပ်ခဲ့ပါတယ်။ ထိုတရားပွဲ အပြီး နောက်တွင်တော့ ကျောက်ဆည်တွင် အေ၇းအခင်းစတင် ဖြစ်ပွါးပါလေတော့သည်။ အရေးခင်းအပြီး ၇ရက်ပြည့်သည့်နေ့ အရှင် ဝီရသူဟာ လူမျိုးရေး အဓိကရုဏ်း များ ဖြစ် ပွားစေသော စာရွက်စာတမ်း များ ဖြန့်သည်ဟုဆိုကာ ၂၀၀၃ ခုနှစ်တွင် အဖမ်းခံခဲ့ရပြီး ထောင်ဒဏ် ၂၅ နှစ် ထောင်ဒဏ် အပြစ်ပေးခံရခဲ့ရပါတယ်။ ထို့နောက် ၂၀၁၂ ခုနှစ် ဇန်န ဝါရီလတွင် လွတ်ငြိမ်း ချမ်းသာ ခွင့်ဖြင့် မြစ်ကြီးနား အကျဉ်းထောင် မှ ပြန်လည်လွတ်မြောက်လာခဲ့ပါတယ်။ ထောင်မှ လွတ်မြောက်ခါစတွင် မန္တလေးရှိ မွတ်စလင် အဖွဲ့အစည်းများနှင့် ဆက်သွယ်ကာ ငြိမ်းချမ်းရေး ဆုတောင်းပွဲများ ပြုလုပ်ရန် ကြံရွယ်ခဲ့သော်လည်းအာဏာပိုင်များထံမှ ခွင့်ပြုချက်မရပဲ ပွဲ အစီအစဉ်များ မဖြစ်မြောက်လိုက်ရပါပေ။ အပြည့်အစုံနားဆင်လိုသူများအတွက် http://www.youtube.com/watch?v=sKOXQJzyXjc

ထို့နောက်တွင်တော့ ယခင် ရပ်တည်ချက် အတိုင်းပင်ဖြစ်သည့် အစ္စလာမ်ဘာသာ ဆန့်ကျင်ရေး လမ်းကြောင်းပေါ်သို့သာ ပြန်လည်ရောက်ရှိသွားပါတော့တယ်။ ထူးခြားတာတစ်ခုကတော့ ဆရာတော်ဟာ ရာဇဝတ်မှူများ၊ မှုဒိမ်းမှူများကိုသာ စိတ်ဝင်တစားနဲ့ အရေးတယူပြုလုပ်ကာ ပုံမှန် ဆိုသလိုပင် ရေးသားဖော်ပြနေခြင်းပင်ဖြစ်ပါတယ်။ သက်သေ အနေတင်ပြရမယ် ဆိုရင်ဖြင့်

• ပဲခူးတိုင်း၊ ရေတာရှည်မြို့နယ်၊ မြို့လှမြို့နေ စိတ်မနှံ့သူ မြန်မာအမျိုးသမီး မုဒိမ်းကျင့် ခံရမှု (8.8.2012)
• မန္တလေးတိုင်း၊ ပြင်ဦးလွင်မြို့နယ်၊ Golf-အပိုပစ္စည်း အရောင်းစာရေးမလေး မုဒိမ်းကျင့် ခံရမှု (17.8.2012)
• ဆင်ပေါင်ဝဲမြို့နယ်၊ သာယာကုန်းရွာ၊ ဆွံ့အ သူမလေးကို မုဒိမ်းကျင့်မှု(24-2-2012)
• မကွေးတိုင်း၊ ကန်ဖျားရွာ၊ အိမ်ဖော်မလေး တစ်ယောက်ကို လိင်ကိုင်ခိုင်းမှု (5-11-2012)
• မြင်းမူမြို့၊ ဆယ်တန်းကျောင်းသူမလေးကို ခိုးယူပေါင်းသင်းမှု၊
• ဝက်လက်မြို့နယ်၊ စွယ်ကွေ့ရွာ ဆယ်တန်းကျောင်း သူမလေးကို ခိုးယူပေါင်းသင်းမှု၊ ရွှေဘိုမြို့နယ်၊ ညောင်ပင်သာရွာ၊ ခုနစ်တန်းကျောင်းသူမလေးကို ခိုးယူပေါင်းသင်းမှု၊ မန္တလေး၊ အောင်ပင်လယ်မြို့သစ်၊ ခုနစ်တန်းကျောင်းသူမလေးကို ခိုးယူပေါင်းသင်းမှု၊ မိတ္ထီလာ၊ ဝန်ဇင်း(၃)ရက်ကွက်၊ အဝတ်လျှော်စားသူ မဇင်မာဌေးကို အုပ်စုဖွဲ့ ရိုက်နှက်မှု(21-11-2012)၊
• မိတ္ထီလာ တူရကီသူရဲကောင်းဗိမာန် ကိစ္စ။ မန္တလေး၊ ကျောက်ဝိုင်းအတွင်း၊ သစ်သီးသည်မြန်မာ အမျိုးသမီးကို မျက်မှန်ဆိုင်မှ မွတ်ဆလင်မ်အမျိုးသားက တုတ်နှင့်ရိုက်၊ လက်သီးနှင့်ထိုးကြိတ်မှု (10-3-2013) 
• သာစည်မြို့နယ်၊ အိမ်ဂရံအတုလုပ်၍ အိမ်ရှင်မြန်မာ အမျိုးသမီးကို မောင်းချမှု၊ (22-11-2012)
• “၁၅-နှစ်သမီးလေးကို မွေး-စားသော ကုလားကို တရားစွဲဖို့ ပြင်ဆင် (28-04.2013)
• “မွတ်ဆလင်ကုလားက မြန်မာသမီးပျို (၁၆)နှစ်သမီးလေးကို မုဒိမ်းကျင့်”(18-05-2013) တို့ပဲ ဖြစ်ပါတယ်။

ဗုဒ္ဓရဲ့အဆုံးအမ၊ တရားရေအေး တိုက်ကျွေးမှူ လုံးဝမရှိ မဟောဘဲ ဘာသာခြား မုန်းတီးမှုကိုပဲ သီးသန့်ဟောပြော ရေးသား လှုံ့ဆော်ခဲ့တာကို တွေ့ရပါတယ်။ 

အံ့ဩစရာ ကောင်းတာတစ်ခု က ဘာသာခြားနဲ့ဖြစ်တဲ့ ရာဇဝတ်မှုတွေဆိုရင်သတင်းမီဒီယာထက်ဦးအောင် ဆရာတော် ဝီရသူက အရင်သိရှိနေတာပါ။ တာဝန်ရှိသူတွေကို အသိပေးပြီး ဥပဒေအရ အရေးယူခိုင်းရမဲ့အစား အကြမ်းဖက်မှုတွေကိုပဲ ပေါ်ပေါက်လာအောင် သီးသန့် ရေးသား လှုံ့ဆော်ခဲ့တဲ့ အထောက်အထားတွေပါပဲ။

ဆက်လက်ပြီး ဖြစ်ပွါးခဲ့တဲ့ ဘာသာရေး အထိကရုန်းများ မတိုင်မှီ နဲ့ ဖြစ်ပွါးနေစဉ်အတွင်း ဆရာတော်ရဲ့ ရပ်တည်ချက်နဲ့ ဟောပြောချက်များကို လေ့လာကြည့်ရအောင်။ နိုဝင်ဘာ (၂၃) ၂၀၁၂ တွင် ဦးဝီရသူ၏ ဖေ့ဘုတ် စာမျက်နှာတွင် “မိတ္ထီလာတွင် ကုလားနှင့် ကုလားမများ အုပ်စုဖွဲ့ အနိုင်ကျင့်မှုဖြစ်ပွား” ဟူသော ခေါင်းစဉ်တပ်ကာ မိတ္တိလာမြို့တွင် မွတ်စလင်များက ဆိုးသွမ်းသည့်အကြောင်းကို ရေးသားလှုံ့ဆော်ခဲ့ပါတယ်။ https://www.facebook.com/notes/wira-thu/မိတ္ထီလာတွင်-ကုလားနှင့်-ကုလားမများ-အုပ်စုဖွဲ့-အနိုင်ကျင့်မှုဖြစ်ပွား/172393969570786 မိတ္ထီလာ အရေးအခင်း မတိုင်မှီ ရက်သတ္တပါတ် အလိုမှာ မိတ္ထီလာရှိ တူရကီသူရဲကောင်းဗိမာန် ကိစ္စ ကို အငြင်းပွါးဖွယ်ရာ ဖြစ်အောင် လှုံ့ဆော်ခဲ့ပါသေးတယ်။

ဒီဟာကတော့ မိတ္တိလာ အရေးအခင်း ဖြစ်ပွါးနေစဉ်အတွင်း ရေးသားလှုံ့ဆော်ခဲ့သော ပို့စ် ဖြစ်ပါတယ်။ https://www.facebook.com/notes/wira-thu/မိတ္ထီလာဖြစ်စဉ်/234084053401777 https://www.facebook.com/notes/wira-thu/မတ္ထီလာဖြစ်ရပ်မှန်-အဆက်/234174963392686

ဒါ့အပြင် ဆရာတော် ဦးဝီရသူဟာ ရှမ်းပြည်နယ် မူဆယ်မြို့သို့ သို့ ၁၉-၅-၂၀၁၃ တွင် သွားရောက်ကာ ယဉ်ကျေးလိမ္မာတရားပွဲသင်တန်း တွင် ဩဝါဒတရားချီးမြှင့်ခြင်း၊ ၉၆၉ တရားပွဲများပြုလုပ်ခဲ့ပါတယ်။ ဆရာတော် ၏ တရားပွဲများ အပြီး ၁၀ရက်အကြာတွင်တော့ လားရှိုးမြို့၌ အထိကရုန်းကြီး စတင်ဖြစ်ပွါးလာပါတော့တယ်။ ဒီလင့်ကတော့ လားရှိုး မြို့ အထိကရုန်းဖြစ်ပွါးနေစဉ်အတွင်း ရေးသားလှုံ့ဆော်ခဲ့တဲ့ အရေးအသားနဲ့ပို့စ် ဖြစ်ပါတယ်။ https://www.facebook.com/notes/wira-thu/လားရှိုး-ယနေ့-အခြေအနေ/270933363050179

ဒီလောက်ဆိုရင်တော့ စာရှူသူပရိသတ်ကြီးလဲ အဖြူနဲ့ အမည်းကွဲကွဲပြားပြားသိရှိနိုင်ပြီလို့ထင်ပါတယ်။ ပွင့်လင်းစွာ အားမနာတမ်းဝန်ခံရမယ်ဆိုရင်ဖြင့် စာရေးသူကျွန်တော် အပါအဝင် မြန်မာပြည်သူတစ်ရပ်လုံးဟာ အမှောင်ချခံထားရတဲ့ သင်ရိုးညွန်းတမ်း ဖတ်စာအုပ်တွေနဲ့ ကြီးပြင်းလာရတဲ့ သားကောင်များ ဖြစ်ခဲ့ရသလို လက်တွေ့ကျင်လည်နေတဲ့ နေ့စဉ်လူမှူဘဝမှာလည်း ဖိနှိပ် ချုပ်ချယ်မှူ၊မှိုင်းတိုက်မှူ မျိုးစုံကို ခံခဲ့ရသူတွေပဲဖြစ်ပါတယ်။

တိုးတက်ရန် လမ်းစပြုနေပြီဖြစ်သော မြန်မာလူ့အဖွဲ့အစည်းတွင် စေတနာအစစ်အမှန်ရှိလျှင် အရေးတကြီးလုပ်စရာ ပြဿနာ အများအပြားရှိနေပါသေးသည်။

လူနည်းစုများ၊ မိမိနှင့် မတူကွဲပြားမှူများအားကဲ့ရဲ့ခြင်း၊ဖိနှိပ် ချုပ်ချယ်ခြင်းတို့သည် တိုးတက်ကြီးပွါးရေးကို မဖြစ်ပေါ်စေနိုင်ပဲ မငြိမ်သက်မှုများ ကို အားပေး ဆော်သြခြင်းဟာ တိုင်းပြည် ပြန်လည်ထူထောင်ရေးကို အမိအရ ထိုး နှက်နေခြင်းသာ ဖြစ်သည်။

စစ်အစိုးရ ၏ ဖိနှိပ်ချုပ်ချယ်မှူအောက်တွင် နှစ်ပေါင်းများစွာ နေ လာခဲ့ရသည့် မြန်မာ့လူ့အဖွဲ့အစည်း ကို ပြန်လည်တည်ဆောက်ရေးတွင် ညီညွတ်ရေးနှင့် ငြိမ်းချမ်းရေးသည်သာလျှင် အရေးကြီးဆုံးဖြစ်သည်။ လူမှုရေး ဘာသာရေးခွဲခြားမှုများက ညီညွတ်ရေးနှင့် ငြိမ်းချမ်းရေးကို ပြင်းပြင်းထန်ထန် ဖြိုခွဲသည့်အတွက် ဦးဆောင်သူများ၏ ရည်ရွယ်ချက်မှာ မြန်မာပြည်သူများ၏ ကောင်းကျိုးကိုမလိုလားပဲ ဆိုးရွားသော အခြေအနေကိုသာလျှင်ဦးတည်သွားစေနိုင်ကြောင်း ထင်ထင်ရှားရှားမြင်တွေ့နိုင်ပါတယ်။

အသားအရောင်နှင့် လူမျိုး၊ ဘာသာမတူတိုင်း ရန်သူဟုသတ်မှတ်စေကာ ပြည်သူအချင်းချင်းကြား စိတ်ဝမ်းကွဲအောင် ပြုလုပ်ပြီး အာဏာရှင် ယန္တရား တည်ဆောက်လိုခြင်းကို ရဲရဲဝင့်ဝင့်သာငြင်းဆန်လိုက်ကြပါဟုသာပြောကြားရင်း နိဂုံးချုပ်လိုက်ရပါသည်ခင်မျာ။

လေးစားစွာဖြင့်
အတီး (ဝါးလုံးရှည်)

လွတ်လပ်ပြည့်ဝသော ဒီမိုကရေစီ သို့မဟုတ် အတ္တလွဲကဲ အရေခြုံဒီမိုကရေစီ

လေးစားအပ်ပါသောစာရှူသူ မိတ်ဆွေခင်မျာ။ ဤစာကို ဖတ်ရှူနေသူများတွင် ယောကျာ်း၊ မိန်းမ ၊လူကြီးလူငယ် တပ်မတော်သားများ၊ ဒီမိုဘက်တော်သားများ၊ အလွှာပေါင်းစုံမှ လူများ ပါဝင်နိုင်သလို ကိုယ်ဖြတ်သန်း ကြီးပြင်းလာရသော ပတ်ဝန်းကျင်နှင့် ကိုယ်ပိုင် ဉာဏ်ရည်ဉာဏ်သွေးဟာလည်း တစ်ယောက်နှင့်တစ်ယောက် မတူညီကြတာကြောင့် သုံးသပ်ရှူမြင်ပုံများလည်း ဘယ်လိုမှ တူမှာ မဟုတ်တာတော့ သေချာပါသည်။ ဒါကြောင့်မှန်တာ၊ မှားတာ ကျွန်တော် မပြောလို။ဖြစ်နိုင်ချေ နည်းလမ်းနှင့် အကျိုးသက်ရောက်တတ်ပုံ ကိုသာ အလေးထား၍ တင်ပြပေးပါမည်။ ဟုတ်သည် မဟုတ်သည်၊ တရား မျှတမှူ ရှိမရှိကိုတော့ ကိုယ့်ဟာကို သုံးသပ်ရင်း ကိုယ့်ရဲ့ အဆင့်အတန်းကို ကိုယ့်ဖာသာ ကိုယ် ပြန်သတ်မှတ်ပေးကြပါရန်။

လူဆိုသည်မှာ ခန္ဓာကိုယ်တစ်ခု၊ စိတ်ဝိ ညာဉ်တစ်ခု၊ အသက် တစ်ချောင်းနှင့် ဘဝကို ပိုင်ဆိုင်ရသည့် သတ္တဝါ တစ်ကောင်သာဖြစ်သည်။ အခြား သတ္တဝါများထက် သာသည်ကတော့ အသိဉာဏ်ရှိ၍ တီထွင်တတ်၊ စကားပြောတတ်ခြင်ပင်ဖြစ်သည်။ ယေဘုယျအားဖြင့် လူအများစု၏ ပင်ကိုယ်စိတ်တွင်းသည် အတ္တသဘော ဆောင်သည်။ တနည်းပြောရလျင် လူသည် အတ္တ သတ္တဝါ တစ်ကောင်သာဖြစ်သည်။ ဒါဟာ သဘာဝသာ ဖြစ်၍ ပြဿနာမဟုတ်။

သို့သော်လည်း သဘာဝ နှင့် ဆန့်ကျင်ကာ ရှိသည့် အတ္တမှာ လိုသည်ထက် ပိုမို လွန်ကဲလာလျှင်တော့ ပြဿနာ ဖြစ်ရလေပြီ။ ဥပမာ အနေနဲ့ ပေးရလျင် မိမိကိုယ်တိုင် အပါအဝင် အများနှင့် စုပေါင်းရိုက်ထားသော ဓာတ်ပုံတစ်ပုံကို လာပြလျင် လူ့စိတ် သဘာဝ အရ မိမိကိုယ်ကို အရင်ဆုံး ဦးအောင် ရှာဖွေ ကြည့်ရှူတတ်သည်။ ဒီအတွက်တော့ ဘာမှ ကိစ္စမရှိသေး။ သို့ သော် ဓာတ်ပုံ ကို စေ့စေ့ကြည့်ရင်း ကြည့်ရင်း ဓာတ်ပုံပါ လူများတွင် မိမိသည်သာ အချောဆုံး၊အလှဆုံး ဖြစ်သည်။ ကျန်သည့်လူများမှာ ငါ့လောက် ဘယ်သူမှ မချော ဟု ထင်မြင်လာပြီ ဆိုပါက မိတ်ဆွေ သင်၏ စိတ်သည် ချို့ယွင်းချက်ဖြစ်ပေါ်နေပြီ ဖြစ်သည်။

ထိုအတ္တလွန်ကဲ ချို့ယွင်းချက်သည် နဂို မွေးရာပါ ဉာဏ်ရည် ဉာဏ်မပြည့် မှီသောကြောင့်ဖြစ်နိုင်သလို ၊ ကိုယ်မွေးဖွားကြီးပြင်းရာ ပတ်ဝန်းကျင်မှ ငါတကောကောသည့် အယူအဆများ ငယ်စဉ်မှ စ၍ နှစ်ရှည်လများ တစတစ ရိုက်သွင်းခံထားခြင်း သို့ လူတန်းစား တစ်ရပ်ကိုဦးတည်၍ ပတ်ဝန်းကျင်နှင့် လိုက်လျော ညီထွေ ဖြစ်စွာ မနေနိုင်စေရင် Brain wash လုပ်ခံထားရခြင်း (သို့) မှိုင်းတိုက်ခံထားရခြင်းမျိုးလည်းဖြစ်နိုင်ပါသည်။

ဒီလို လူမျိုးတွေဟာ များသောအားဖြင့် လူများ ယောင်လို့ လိုက်လို့ ယောင်၊ အမောင် တောင်မှန်း မြောတ်မှန်း ကွဲကွဲပြားပြား မသိသော လူများဖြစ်နေတတ်ကြတာလည်း အမှန်ပင် ဖြစ်ပါတယ်။ တည့်တည့်ပြောရရင်တော့ ဒီမိုကရေစီ နိုင်ငံစစ်စစ် ဆိုတာ စစ်ဝတ်စုံ ချွတ်ပြီး တောက်တောက်ပြောင်ပြောင် အဝတ်အစားတွေ၊ ထမီ ဆင်ပုံစံ တောင်ရှည်ပုဆိုးတွေ ဝတ်ပြီး ခပ်တည်တည်နဲ့ လွှတ်တော်ထဲဝင်ထိုင်နေရုံနဲ့ ဒီမိုကရေစီ နိုင်ငံဖြစ်မသွားပါ။ နိုင်ငံရေး အကျဉ်းသားတွေ ကနည်းနည်း။ သူခိုး၊ ဂျပိုးတွေများများ ရောလွှတ်ပေးလိုက်ရုံနဲ့ အရှင်မွေး၊ နေ့ချင်းကြီး ဒီမိုကရေစီ နိုင်ငံတော်ကြီးတစ်ရပ်ဖြစ်မသွားပါ။

လက်ဝါးရိုက်ထားပြီး အဖြေထွက်လာမှာကို ကြိုသိနေတဲ့ ရွေးကောက်ပွဲလေး ကျင်းပပေးလိုက်ရုံနဲ့ နတ်ရေကန်ထဲ ခုန်ဆင်းလိုက်သလို ချက်ချင်းကြီး ဒီမိုကရေစီ နိုင်ငံလို့ သတ်မှတ်လို့ မရနိုင်ပါ။

ပြည်သူ့ကိုလဲ ကိုယ်စားမပြုသလို ဘယ်သူ့ကိုမှလဲ ကိုယ်စားမပြု လွှတ်တော်ထဲမှာ ဘာမှန်း မသိ၊ညာမှန်းမသိ လက်ထောင်၊ ခေါင်းညိတ်လုပ်၊ မောလာရင် အဲကွန်းလေးနဲ့ တရေးတမော နှပ်ပြီး ဇိမ်ယူတတ်တဲ့ အမတ်တွေရှိယုံနဲ့လဲ ဒီမိုကရေစီ နိုင်ငံတော်လို့ ခေါ်ဆိုလို့ မရနိုင်သေးပါ။

လွတ်လပ်ပြည့်ဝတဲ့ ဒီမိုကရေစီ လိုချင်ရင် ဒီမိုကရေစီ ရဲ့ အနှစ်သာရကို နားလည်ပြီး အခြေခံ သဘောတရားတွေကို အောက်ခြေက လူတန်းစားတွေကပါ လိုက်နာကျင့်သုံးနိုင်မှသာလျှင် တင်းပြည့်ကျပ်ပြည့်လွတ်လပ်တဲ့ အရသာကို ခံစားနိုင်မှာဖြစ်ပါတယ်။

ဒီမိုကရေစီမှာ လွတ်လပ်စွာ ပြောဆိုခွင့်၊ ပုံနှိပ်ခွင့်တွေ ရှိသလို ကိုယ်ယုံကြည်ရာ ဘာသာတရားကို ကိုးကွယ်ခွင့်၊ ဝတ်စားဆင်ယင်နိုင်ခွင့်တွေ ရှိတယ်၊ တနည်းအားဖြင့် မတူကွဲပြား ခြားနားမှူကို ရဲရဲကြီး လက်ခံနိုင်ရမယ် ဆိုတာကို နားလည်ထားသင့်တယ်။

ဥပဒေ ဆိုတာမျိုးက တနိုင်ငံလုံး ဒါမှမဟုတ် ဒေသတစ်ခုလုံး ကို လွှမ်းခြုံပြီး ယင်းဒေသမှာ ရှိတဲ့ လူများအားလုံး အပေါ် သက်ရောက်မှူ ရှိရပါမယ်။မင်းက ဖြူလို့ ချန်ခဲ့မယ်။ မင်းကတော့ မဲလို့ ဒါ မင်းအတွက် သီးသန့် ထုတ်တာ မျိုးဟာ ဥပဒေ မဟုတ်ပါဘူး။ အမိန့် အာဏာသက်သက်တစ်ရပ်၊ ခွဲခြားမှုတစ်ရပ်သာ ဖြစ်သွားပါပြီ။

အခုန ပြောသလို မှန်တယ်၊ မှားတယ် ဆုံးဖြတ်ရင်း ကိုယ့်အဆင့်အတန်းနဲ့ ဉာဏ်ရည်ရည်သွေးကို ကိုယ့်ဟာကို သတ်မှတ်ပေးကြပါ။ ပြောတဲ့ အထဲက ဆိုလိုရင်းကို သတိထားမိသူများလည်းရှိသလို သတိမထားမိတဲ့ လူများလည်း ရှိနိုင်တာမို့ ဒီပို့စ်ရဲ့ ဆိုလိုရင်းကို တခါတည်းပြောလိုက်ပါ့မယ်။

ဒီလိုအမိန့်မျိုးထုတ်လိုက်ရင် အမျိုးသားရေး ခေါင်းစဉ်အောက်မှာ ထိုင်းမှိုင်း သွေးဆူနေကြတဲ့ လူတွေက ဘာမသိညာမသိ ရမ်းသန်းပြီးတော့ထောက်ခံကြမယ် ၊အပျော်လုံး ဆို့ကြမယ်။ တစ်ဖက်ကတော့ ဥပဒေဟာ လူသားအားလုံးအပေါ်မှတန်းတူညီမျှအခွင့်အရေးရှိရမယ် ကျောသားရင်သား မခွဲခြားရဘူးလို့ ခံယူချက် ထားတဲ့လူတွေ ဘက်က ဘယ်လိုမှ` သဘောမတူမှာမဟုတ်ဘူးဆိုတဲ့ အချက်ကို သူတို့ကြိုတွက်ထားပြီးတော့မှ မသိနားမလည်တဲ့ လူထုနဲ့ လူအခွင့်ရေး သမားတွေကို လှည့်ပြီး ရန်တိုက်ပေးပြီး အတိုက်အခံကို လူထု ထောက်ခံမှူကျဆင်းအောင် အားအင်ချည့်နှဲ့အောင် ရည်ရွယ်တဲ့ ခပ်ညံ့ညံ့ အိုးမည်းသုတ် နိင်ငံရေးကစားကွက်လို့ပဲယူဆမိပါတယ်။

ဒီလို လျှောက်လုပ်၊လျှောက်ပြောပြီး ရန်ဖြစ်နေလို့ ဒီဥပဒေ သက်ရောက်မဲ့ ရခိုင် မြောက်ပိုင်းက မွတ်စလင် တွေ ဘာဖြစ်သွားသလဲ ဆိုတော့ ဘာမှ ဖြစ်မသွားဘူးဗျ။ ဘာဖြစ်လို့လဲ ဆိုတော့ ဒီလို တားမြစ်ချက်မျိုးက အဲဒီ ဒေသမှာ ဟိုး အရင်ကတည်းက ထုတ်ပြီး တားမြစ်ထားပြီးသားကြီး ဖြစ်နေလို့ပါပဲ။ အဲဒီဒေသမှာ က မွတ်စလင် အိမ်ထောင်ပြုရင် သက်ဆိုင်ရာကို ခွင့်တောင်းရတာတို့၊ တရွာနဲ့ တရွာ သွားလာခွင့် မပေးတာတို့က ရှိပြီးသားတွေပါပဲ။ အခုမှ လူအများ ကြားအောင်လုပ်ပြီး ဘုမသိဘမသိနဲ့ ရမ်းပြီး ထောက်ခံနေကြတဲ့ ငနဲတွေ ကတော့ သနားစရာပေါ့လေ။

ဒီနေရာမှာ ကြုံလို့ မြန်မာနိုင်ငံ ပါဝင်လက်မှတ်ရေးထိုးထားပြီး ၁၉၄၈ ခုနှစ်မှာ ရေးဆွဲပြီး ၁၉၅၁ ခုနှစ်မှာ အသက်ဝင်လာတဲ့ ဂျီနိုဆိုက်ဒ် ကွန်ဗင်းရှင်း စာချုပ်ပါ ပုဒ်မ ၂ မှ စာသား အနက်အဓိပ္ပာယ်ကို တိုက်ဆိုင်လို့ပြန်လည် တင်ပြပေးလိုက်ပါတယ်။

“နိုင်ငံလုံးဆိုင်ရာ လူအုပ်စု သို့မဟုတ် တိုင်းရင်းသားလူမျိုးဆိုင်ရာ လူအုပ်စု သို့မဟုတ် ဘာသာရေးဆိုင်ရာ လူအုပ်စုတခုကို တခုလုံးသော်လည်းကောင်း၊ တစိတ်တပိုင်းသော်လည်းကောင်း ဖျက်ဆီးပစ်ရန် ရည်ရွယ် ချက်ဖြင့် အောက်ပါလုပ်ရပ်များကို ကျူးလွန်ခြင်း။
(က) ယင်းလူအုပ်စု အဖွဲ့ဝင်များကို သတ်ဖြတ်ခြင်း၊
(ခ) ယင်းလူအုပ်စု အဖွဲ့ဝင်များကို ရုပ်ခန္ဓာပိုင်းအရ သော်လည်းကောင်း၊ စိတ်ပိုင်းအရ သော်လည်းကောင်း ဆိုးဆိုးဝါးဝါး ထိခိုက်နစ်နာစေခြင်း၊
(ဂ) တစ်ခုလုံးအရ သို့မဟုတ် တစ်စိတ်တစ်ပိုင်းအရ ရုပ်ပိုင်းဆိုင်ရာ ပျက်စီးမှုဖြစ်စေရန် အသေအချာ စီစဉ် ထားသည့် ဘဝအခြေအနေများကို ယင်းလူအုပ်စုအပေါ်၌ သက်ရောက်စေခြင်း၊
(ဃ) ယင်းလူအုပ်စုအတွင်း ကလေးမွေးဖွားမှုများကို တားမြစ်ရန် ရည်ရွယ်သည့် အစီအမံများ ချမှတ်ခြင်း၊
(င) ယင်းလူ အုပ်စုမှ ကလေးသူငယ်များကို အခြားလူစုသို့ အတင်းအဓမ္မ ရွှေ့ပြောင်းပစ်ခြင်း။”

ဟူ၍ဖြစ်လေသည်။

ဆက်စပ် စာညွှန်း၊
http://burmese.voanews.com/content/myanmar-rohigya/1671879.html
http://burmese.voanews.com/content/two-childs-policy/1669122.html

အတီး (ဝါးလုံးရှည်)

ကိုယ်ပြုသောကံ ပဲ့တင်သံ သင့်ထံ တနေ့ ပြန်လာမည်။

မင်းသား ရဲတိုက် မဆီမဆိုင် ခရစ်ယာန် ဘုရားကျောင်းကို သွားပြီး အ ဂါရဝ ပြုတာလဲ ဒီ မူးယစ်ဆေးပဲ။

လားရှိုးမှာ မိန်းကလေးတစ်ယောက်ကို သွားပြီး ဓာတ်ဆီသွားလောင်းတာလဲ မူးယစ်ဆေးပဲ။ မူးယစ်ဆေးလောက် ကြောက်ဖို့ကောင်းတာ ကမ္ဘာမှာ မရှိ။

ဒါပေမဲ့ လဲ ဒီလို ဆေးဝါးတွေ သုံးပြီး ကြောင်တောင်တောင် ဂေါက်တောက်တောက်ဖြစ်နေတဲ့ လူတွေကို သူကိုယ်တိုင်ကကော ပတ်ဝန်းကျင်ကပါ အရူးတစ်ယောက်လို့ သိရှိထားပြီး ဆေးဝါး ကုထုံးများဖြင့် ကုသကာ ပျောက်ကင်းနိုင်သော်လည်း တသက်လုံး မှာ စကားလုံးတွေ၊ အယူအဆတွေ၊ မှိုင်းတိုက်ခံရပြီး အမျိုးသားရေး မှိုင်းမိ မူးယစ်နေတဲ့ လူမျိုးတွေကိုတော့ ပြန်လည်ကုသဖို့ရာ အတော်ခက်ခဲမယ်လို့ထင်ပါတယ်။

ဘာဖြစ်လို့လဲ ဆိုတော့ သူတို့တွေဟာ သူတို့ရဲ့ ဦးနှောက်ဟာ ကျပ်မပြည့်ပဲ ချောင်တောင်တောင်ဖြစ်နေတယ်ဆိုတာမျိုးကို သူတို့ကိုယ်တိုင်ပင် သတိမထားမိသလို ဘေးပတ်ဝန်းကျင်မှ လူများအနေနဲ့လဲ အလွယ်တကူ ခန့်မှန်းဖို့ခက်ခဲလှပါတယ်။ ဒီလို လူတွေဟာ ပုံမှန် ဆေးဝါးများဖြင့်လည်း ကုသပေးဖို့ မလွယ်ကူသလို နှစ်ရှည်လများ စွဲကပ်လာတဲ့ ဝေဒနာမျိုးဖြစ်တဲ့ အတွက် အချိန်ယူကုသမှသာ ပျောက်ကင်းနိုင်မှာဖြစ်ပါတယ်။

ထူးခြားတာတစ်ခုကတော့ မူးယစ်ဆေးကြောင့် ရူးသွပ်နေသူများဟာ မိုက်ရူးရဲပဲပြောပြော ကိုယ်လုပ်ရပ်ကြောင့် ကိုယ့် အသားပြန်နာမှာတို့၊ လက်စားအချေခံရမှာတို့ ကို လုံးဝ မကြောက်ပေမဲ့ အမျိုးသားရေးဆိုတဲ့ စကားလုံးလှလှလေးရဲ့ အောက်မှာ မှိုင်းတိုက်ခံရသူများမှာတော့ အရှိန်ကောင်းနေစဉ်မှာ မစင်ပုံကို အမျိုးသားရေးအမြင်နဲ့ပဲ စားရစားရ ခွေးနဲ့ပဲ ပြိုင်ကိုက်ရရ ဘာမဆိုလုပ်ရဲလောက် အောင် အောက်တန်းကျနိုင်ကြပေမဲ့လို့ ကိုယ် အလှည့်ကျ ပြန်ပြီး လက်တုံ့ပြန် အရေးယူခံရမှာကိုတော့ သေလောက်အောင် ကြောက်တတ်ကြတော့တာပါပဲ။

စဉ်းစားသာ ကြည့်ပေတော့ဗျာ။ အဲဒီ မီးစရှို့တဲ့ အရူးနဲ့ အဲဒီ အရူးကို အကြောင်းပြုပြီး တနိုင်ငံလုံးကို မီးလောင်တိုက်သွင်းဖို့ ကြိုးစားနေတဲ့ လူတွေ ရဲ့ဦးနှောက်ဟာ ဘယ်ဟာက ပိုပြီးအောက်တန်းစား အဆင့်ဝင်ပြီး သုံးစားလို့ မရလောက်အောင်ပါပဲ ဆိုတာကို။ ပြောတော့ ကုလားတွေ အကြမ်းဖက်တယ် ၊ အကြမ်းဖက်တယ်ပြောပြီးပြီး အဲဒီ ကုလားတွေကို အကြမ်း မဖက်ဖက်အောင်လို့ တွန်းပို့နေကြတယ်ဆိုတာကို မစဉ်းစားမိလောက်လောင် ဦးနှောက်တွေက လေးလံ ထုံထိုင်းနေကြတယ်။

နောက်ပြီး မင်းတို့ရဲ့ အမှားကြီးမှားသွားတဲ့ လုပ်ရပ်တစ်ခုကတော့ သတင်းယူနေတဲ့ သတင်းထောက်တွေရဲ့ အသက်အန္တရယ်ကို ရန်ရှာခဲ့ခြင်းပါပဲ။ အဲဒီရဲ့ အကျိုးဆက်ကိုတော့ မီဒီယာတွေကနေပြီး ဘယ်သူ့ အလွန် ဖြစ်တယ် ဆိုတာကို ပါးပါးလေးနဲ့ လှလှလေး ဘယ်လို ပုံဖော်မလဲ ဆိုတာကိုတော့ မျှော်လင့်ထားကြပါ။

အတီး (ဝါးလုံးရှည်)

ထူးခြားချက် မဟုတ်တဲ့ ထူးခြားချက်

စိမ်းလဲ့ကန်သာ ငါးလောင်ပြိုင်လူသတ်မှူ မှာ တရားခံကို သိပြီးပြီလို့ စကားကျွံပြီးတာတောင် ခပ်တည်တည်နဲ့ မျက်နှာပြောင်တိုက်ပြီး ငြိမ်နေတာ၊ဒီပဲယင်းမှာ လူအုပ်နဲ့ ဝိုင်းတီးခဲ့တာ၊ကချင်ပြည်နယ်တွေ၊ကရင်ပြည်နယ်တွေမှာ မိန်းကလေးတွေကို အဓမ္မကျင့်ခဲ့တာ၊ တောင်ကုတ်မှာ ခရီးသွားကားပေါ်က ဘာသာခြားတွေကို လူအုပ်နဲ့ ၀ိုင်းသတ်ခဲ့တာ၊မိတ္ထိလာမှာ အပြစ်မဲ့ ကျောင်းသားငယ်လေးတွေကို သတ်ဖြတ်ပြီး အရှင်လတ်.... မီးရှို့ခဲ့တာတွေ စတဲ့ အဖြစ်အပျက်တွေမှာ အခုထိတရားခံဖမ်းနိုင်ဖို့ ဝေးစွ၊ သဲလွန်စတောင် မဖော်ထုတ်နိုင်ခဲ့သေးဘူး။မော်လမြိုင် သင်္ကြန်မှာတောင် ဆယ်ကျော်သက် ကလေးတွေရဲ့ ဝိုင်းတီးတာခံလိုက်ရပြီး သေနတ်ပါ အလုခံလိုက်ရတာမျိုးကတော့ အံ့ဩနိုင်မည်မဟုတ်ပါ။ ရဲတပ်ဖွဲ့ ဆိုသည်မှာ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့ ရည်ရွယ်ချက်နဲ့ ဖွဲ့စည်းထားခြင်းဖြစ်ပြီး ပြည်သူလူထုမပြောနဲ့ ကိုယ့်ကိုယ်ကိုတောင် ပြန်ပြီး မကာကွယ်နိုင်တဲ့ အဖွဲ့အစည်းဖြစ်ပြီး ပြည်သူလူထုဟာ ကိုယ့်ရန်ကို ကိုယ့်ဟာကို ကာကွယ်မှပဲ ဖြစ်တော့မယ်လို့ သဘောပေါက်လာပြီး လက်နက်ကိုယ်စီ စွဲကိုင်လာတဲ့ အခြေအနေမျိုးကိုရောက်ရှိလာလျင်တော့ အဲဒီတိုင်းပြည်ရဲ့ အခြေအနေဟာ မင်းမဲ့စရိုက်ဆန်ဆန် ကျောက်ခေတ်သာသာပဲ ကျန်တော့မှာဖြစ်ပါတယ်။

ပြောမယ်ဆိုရင်တော့ အများကြီးပေါ့ဗျာ။ အဲဒီ သမိုင်းတွေ လိုက်တူးနေမယ်ဆိုရင်တော့ ဒီတသက် ကုန်နိုင်ဖွယ်မရှိပါ။ ဟော အခုကြည့်။သူ့ လယ်မြေ သူပြန်ရဖို့ ပြန်တောင်းတဲ့ လယ်သမားတွေကို ကျတော့ တီးထည့်လိုက်တာ အီစလံကို ဝေရော။

ဟိုတနေ့ကတင် မြန်မာနိုင်ငံမှာ ဖြစ်ပွါးခဲ့တဲ့ အကြမ်းဖက်မှူတွေမှာ ရဲတပ်ဖွဲ့တွေရဲ့ ပါဝင်ပတ်သက်မှူ ကို ဗီဒီယိုသက်သေ အထောက်အထားနဲ့တကွ ဘီဘီစီရော၊ အယ်ဂျားဇီးရားကပါ ကမ္ဘာကို မီးမောင်းထိုးပြသွားတယ်။

နောင်မဝေးကွာလှတဲ့ အနာဂတ်မှာ မြန်မာနိုင်ငံက ရဲဆိုတဲ့ လူတန်းစားတွေဟာ ထားရာနေ၊ စေရာသွား၊ ကျွေးတာစားပြီးလက်တဆုပ်စာ အာဏာရှင်တို့ရဲ့ အလိုကျ အမိန့်မရရင် ဘာမှမလုပ်တတ်ပဲ၊ အမိန့်ရရင်တော့ ဘယ်သူ့မှကို လူမထင် ကျွဲလို၊နွားလို ခိုင်းလို့ ကောင်းတဲ့ သူတို့ကိုသူတို့ Brain wash လုပ်ခံထားရမှန်းတောင်မသိတဲ့ သနားစရာ လက်ကိုင်တုတ် လူတန်းစားတစ်ရပ်လို့ပဲ အမြင်ခံနေကြရတော့မှာ အသေအချာပါပဲ။

အတီး (ဝါးလုံးရှည်)

အသိတရား၊ ကိုယ်ချင်းစာတရားနဲ့ ဆုံးဖြတ်ကြပါ

တဝုန်းဝုန်း လဲပြိုနေတဲ့ အိမ်တိုင်တွေ ကြားမှာ ကြောက်လန့်တကြား ငိုယိုနေတဲ့ ကလေးငယ်တွေ၊ မျှော်လင့်ချက်ကြီးစွာနဲ့ အမေ၊ အမ တစာစာ အော်ခေါ်ပြီး ကိုယ့်ဆွေမျိုးသားချင်းတွေကို ရှာနေတဲ့ အသံတွေကို မင်းတို့ကြားဝံ့ပါသလားခင်မျာ။

မြန်မာလူမျိုးဆိုတာနဲ့ အလုပ်ကောင်းကောင်းတော့ မလုပ်ချင်ပဲ ရေသာခို အချောင်လိုက်၊ လုယက်ဖျက်စီးချင်တဲ့ အချောင်သမားစိတ်ဓာတ်ဆိုတာကြီးကို့ ကမ္ဘာက တွဲပြီး မြင်သွားကြပြီ။ မင်းတို့မရှက်ပေမဲ့ ငါရှက်...တယ်။ ဘုမသိ ဘမသိနဲ့ မှိုင်းတိုက်ခံရပြီး ပါဝင်ကျူးလွန်သူတွေကိုတော့သနားတယ်။သိသိကြီးနဲ့ မလိုတမာ စိတ်ထားပြီး ကျူးလွန်သူတွေတော့ ရွံရှာတယ်။ထွက်ပေါက်မပေးပဲ ဒီလောက် ဖိနှိပ်နေခြင်းမျိုးဟာ ရေရှည်မှာ တည်ငြိမ်ရေးထက် တန်ပြန် လက်တုံ့ပြန် အကြမ်းဖက်မှူကို ဦးတည်နိုင်စေတယ် ဆိုတာတော့နားလည်သင့်တယ်။

သူများဘာသာကို သွားပြီး အသားလွတ်သွား စော်ကားတော့ ရလာတဲ့ ရလဒ်က စော်ကားခံရတဲ့ ဘာသာက ဘာမှ မဖြစ်သွားပဲ ဗုဒ္ဓဘာသာဟာ အစွန်းရောက်ဘာသာ အဖြစ် သတ်မှတ်ခံရတော့တာပါပဲ။

လွန်ခဲ့တဲ့ ဆယ်စုနှစ်များတုန်းက ကမ္ဘာမှာ မြန်မာလူမျိုးဆိုတာ စစ်ဖိနပ်အောက် ပြားပြားဝပ်နေရတဲ့ လူများအဖြစ် နိုင်ငံအပြင်ဖက်ရောက်ရင် အရေးတယူ ပြောဆိုဆက်ဆံခဲ့သော်လည်း အခုအခါမှာတော့ လူများအိုးအိမ် စည်းစိမ်ကို မတရား ရယူဖျက်စီးချင်သော၊ ကြမ်းကြုတ်၍ အသိဉာဏ်ခေါင်းပါးပြီး မြင်ယုံဖြင့် တံထွေးထွေးချင်စရာ အစွန်းရောက် လူမျိုးအဖြစ် မှတ်တမ်းဝင်သွားခဲ့ပြီဖြစ်ပါတယ်။

မတရားမှူကို မနှစ်သက်သော မြန်မာလူမျိုးများ၊ ထို အကြမ်းဖက် သတ္တဝါများအား အားပေးအားမြှောက်ပြုမှာလား၊ ဒါမှမဟုတ် ကိုယ်နဲ့မဆိုင်သလိုပဲ အသာလေး လက်ပိုက်ကြည့်နေနိုင်မှာလား၊ ကိုယ့်ရပ်ကိုယ့်ရွာမှာ ဒီလို အဖြစ်ဆိုးတွေ ဖြစ်မလာအောင် ကာကွယ်ကြမှာလားဆိုတာကို ကိုယ်တိုင်သာ ဆုံးဖြတ်ကြပါတော့။

အတီး (ဝါးလုံးရှည်)

သူ့နေရာမှာ ကိုယ်သာဖြစ်ခဲ့လျှင်…

ဆယ်ကျော်သာသာ ရှိမယ်လို့ ထင်ရတဲ့ လူငယ်လေး တစ်ယောက်ရဲ့ သီချင်းတစ်ပုဒ် ဖေ့ဘုတ်ပေါ်မှာ အတော်လေး ရှယ်နေကျလို့ အခုလေးတင်ပဲ သွားကြည့်လိုက်တယ်။

ကျွန်တော်လဲ တစ်ပုဒ်တည်းထင်လို့ သွားကြည့်မိတာပါ။ ဘုရား ဘုရား ၊ဆိုထားတာတွေက မနည်းပါလား။ သင်ပြပေးမဲ့ သူမရှိဘာမရှိနဲ့ ကိုယ်ရူးသွပ်စွာ နှစ်သက်တဲ့ အရာတစ်ခုကို ကိုယ်ထင်ရာ မြင်ရာတွေနဲ့ လျှောက်လုပ်နေပုံရတယ်။ သီချင်းကောင်းတာ မကောင်းတာ အပထား လုပ်ရဲကိုင်ရဲတဲ့ စိတ်ကိုတော့ ချီးကျူးတယ်။ ဝေဖန်ထားတာတွေကလဲ မနည်းပါလား။ အဲဒီ သီချင်းအောက်မှာရော၊ ဖေ့ဘုတ်ပေါ်မှာပါ ပွပလဲနေတာပဲ။ လူတစ်ဖက်သားကို အသားလွတ် ဆဲဆိုပြီး ကဲ့ရဲ့နေကြတာမျိုးကြီးကတော့ မလုပ်သင့်ဘူးလို့ထင်ပါတယ်။

သူ့ ဘာသာသူဖန်တီးထားတဲ့ ၀ါသနာပါလို့ ရိုက်တင်တာ။ကိုယ့်ကို အတင်းလဲ ၀င်ကြည့်ခိုင်းနေတာလဲမဟုတ်၊ အခြားအဆိုတော်တွေလို ဆိုင်းဘုတ်ကြီးတွေ၊ကြော်ငြာတွေနဲ့ လူတွေကို မျက်စိဒုက္ခ နားဒုက္ခပေးနေတာမှ မဟုတ်တာ.။ ကျွန်တော်ကတော့ အဆိုတော်ညီလေးက ပေးချင်တဲ့ ရသ ကတစ်မျိုး၊ပရိသတ်က ရသွားတဲ့ ဟာသ ရသကတစ်မျိုးနဲ့ လွဲမှားသွားတဲ့ ဖျော်ဖြေမှူတစ်ခုလို့ပဲ မြင်ပါတယ်။ ခွင့်မလွှတ်နိုင်တဲ့ အမှားကြီးတစ်ခုကို ကျူးလွန်တာမှ မဟုတ်တာ။ ဆဲဆိုကြိမ်းမောင်းပြီး ကဲ့ရဲ့ရှုံ့ချချင်တတ်တဲ့ အောက်တန်းစားစိတ်ဓာတ် အတော်များများကို တွေ့လိုက်ရတယ်။မြန်မာနိုင်ငံမှာ ကိုယ်ချင်းစာတရား အတော်လေးခေါင်းပါးသွားကြပုံရတယ်။

သူ့နေရာမှာ ကိုယ်သာဖြစ်ခဲ့လျှင်ဆိုတဲ့ အတွေးမျိုး နဲနဲလေးမှ တွေးမိကြပုံမပေါ်ဘူး။များပြားလိုက်တဲ့ အောက်တန်းစားစိတ်ဓာတ်တွေ။ မကောင်းတာကို မကောင်းဘူးလို့ ပြောတာကို လက်ခံပေမဲ့ တဖက်သားကို အနိုင်ယူ လှောင်ပြောင်လိုတဲ့ စိတ်ဓာတ် အခံရှိတဲ့လူတွေကိုပါ ဒီသီချင်းလေး အကြောင်းပြုပြီး သတိထားမိသွားတယ်။

ဘာပဲ ဖြစ်ဖြစ် ဆက်ကြိုးစားပါ ၊ ဆရာကောင်း သမားကောင်းနဲ့ တွေ့ရင်တော့ အောင်မြင်နိုင်ပါစေလို့ ဆုတောင်းရင်း အကြံပေးလိုက်ပါတယ် ညီငယ်ငယ်ငယ်ငယ်ငယ်ငယ်ငယ်ငယ်ငယ်ငယ်။

အညွန်း ဗီဒီယိုလင့်ခ်၊ http://www.youtube.com/watch?v=qZr8eLS-OPI

အတီး(ဝါးလုံးရှည်)

လူမျိုးကြီးဝါဒကို အမျိုးသားရေး ခေါင်းစဉ်တပ်ပြီး မှိုင်းတိုက်ခံရလျှင်…

မတူကွဲပြားပြီး များပြားလှတဲ့ တိုင်းရင်းသားလူမျိုးစုတွေစုပေါင်းနေထိုင်တဲ့ နိုင်ငံတရပ်မှာ ကိုယ့်ရဲ့ ယဉ်ကျေးမှူဟာ အခြားလူမျိုးတွေထက် မြင့်မြတ်တယ်လို့ အထင်ရောက်နေတဲ့၊ (အဲလို မရောက်ရောက်အောင် သမိုင်း ဖတ်စာအုပ် အလိမ်တွေနဲ့ သင်ကြားခံခဲ့ရတဲ့) လူမျိုးစုတခု ရှိနေရင်၊ဒါမှမဟုတ် လူမျိုးကြီးဝါဒကို အမျိုးသားရေး ခေါင်းစဉ်တပ်ပြီး မှိုင်းတိုက်ခံထားရတဲ့ လူတွေရှိနေရင် လူနည်းစုအပေါ် အကာအကွယ် မပေးနိုင်တဲ့ ဥပဒေ သို့မဟုတ် အုပ်ချုပ်ရေးစနစ်တရပ်ရှိနေရင်တော့ အဲဒီနိုင်ငံကအောက်ခြေ ပြည်သူတွေဟာ ကျီးလန့်စာစားပြီး စစ်ဘေးစစ်ဒါဏ်ကို အရင်ဆုံးခံရတဲ့ သားကောင်တွေဖြစ်ရတတ်ပါတယ်။

ဒီလို ပြဿနာတွေကို ပြေလည်ဖို့ အကောင်းဆုံးနည်းလမ်းကတော့ မျှတပြီး ဘက်မလိုက် အာဏာခွဲဝေမှူ စနစ်ကို ကျင့်သုံးနိုင်တဲ့ ဗဟို အစိုးရတစ်ရပ်နဲ့ ခွဲထွက်မှူ ကို မလိုလားတဲ့ ပြည်နယ်အစိုးရများပါဝင်တဲ့အမှန်အကန် ပြည်ထောင်စုကြီးတစ်ရပ် ပေါ်ပေါက်လာမှသာလျှင်ဖြစ်နိုင်မယ်လို့ ထင်ပါတယ်။မဟုတ်ရင်တော့ သူ့က လာသတ်လိုက် ကိုယ်က ပြန်ချလိုက်နဲ့ ထန်းလျှက်ခဲ ခွေးလျက်သလို လုံးပါးပါးရာကနေ စစ်ပြေးဒုက္ခသည်တွေ ကမ္ဘာအနှံ့ကို ပျံ့ကြဲပြီး လူမျိုးပါတုန်းတဲ့ ဘဝကို ရောက်ရပါလိမ့်မယ်။

အဲဒါကမှ တကယ့်ကို အမျိုးပျောက်မှာ စိုးကြောက်စရာပါ။တခါတခါ သူတို့က ကြီးပဲ ဦးအောင် သူခိုးက လူပြန်ဟစ်ဆိုသလို ထထအော်နေတော့လဲ တကယ် အမျိုးပျောက်ဖို့ ရင်ဆိုင်နေရတဲ့ တိုင်းရင်းသားတွေတောင်မှ ဘာပြောလို့ ပြောရမှန်း မသိ။

ကျွန်တော်တို့တိုင်းရင်းသားတွေ အော်ဖို့ ထားကြပါဦးခင်မျာ။ ကိုယ်နယ်မြေမှာ ကိုယ့်လူမျိုး၊ ကိုယ့်စာပေကိုတောင် ကိုယ့်ကလေးတွေကို ကျောင်းမှာ ပြန်သင်ကြားခွင့်မရှိတဲ့ဘဝတွေ၊ ဘယ်လောက် ရင်နာစရာကောင်းလဲ။ နောင် မျိုးဆက်နှစ်ဆက် သုံးဆက်လောက်ဆိုရင် သွားပြီပဲ။ငါက ဘာလူမျိုးဆိုတာ နာမည်ခံပဲရှိတော့တာ၊ ကိုယ့်လူမျိုးစကား ပြောလားဆိုတော့ မပြော၊ ကိုယ့်စာကို ဖတ်တတ်လားဆိုတော့ မတတ် နဲ့ ဟိုမရောက် ဒီမရောက်လေးတွေဖြစ်ကုန်ကြပါလေရော။

အခုလဲကြည့် ကချင် ပြီးတော့ ကရင် အလှည့်လာပြီ။ ကချင်ကိုလည်း အပြီးအပြတ်နိုင်အောင် တိုက်နိုင်လားဆိုတော့လဲ မနိုင်တဲ့ အပြင် အောက်ခြေက စစ်သားလေးတွေပါ အိုနာကျိုးကန်း ဖြစ်ပြီး ပြန်လာခဲ့ရတာ။ အခုတခါ လာပြန်ပြီ ကရင်တွေကို သွေးထိုးစမ်းနေပြန်ပြီ၊ကရင်တွေကို ကရင်ပြည်နယ်မှာ မနေနဲ့ဆိုတော့ ဘယ်မှာသွားနေရမှာလဲ? ဟုတ်ကဲ့ ၊ ရဲဘော် မသေ၊ သေသော် ငရဲမလားပါ၊ အဝီစိသာ လားပါသည်ခင်မျာ။

အတီး (ဝါးလုံးရှည်)

Mother day (အမေနေ့)

ခုဆိုရင် နှစ်တိုင်း မေလထဲမှာ အမေနေ့ ဆိုပြီး အမှတ်အရ လုပ်လာကြတာကိုတွေ့ရတယ်။

လူသားတိုင်း အမေ ကို ချစ်တတ် လာ ကြရင် လောက ကြီး ဟာ ဒီထက် ပို စိတ်ချမ်းသာစရာကောင်းမယ်လို့ ထင်တယ်။ ကိုယ့်အမေ ကိုယ်ချစ်တတ်သလို တပါးသူတွေဟာလည်း မိမိထက် မလျော့တဲ့ စိတ်နဲ့ သူတို့ရဲ့ မွေးသမိခင်၊ ဖခင်တွေကို ချစ်တတ်တယ်၊ သေကွဲ ရှင်ကွဲ ကွဲကြရမှာ ကြောက်ကြတယ် ဆိုတဲ့ ကိုယ်ချင်းစာတရား ထားတတ်ကြရင်တော့ ဒီကမ္ဘာကြီးလဲ အတော် ငြိမ်းချမ်းသွားမှာ...ပဲ။

အမိုးကမလုံ ကြမ်းပြင် က သံတွေက ဟိုထောင် ဒီထောင်နဲ့ မိုးရွာရင် ခွက်တွေ ပုံးတွေနဲ့ ဟိုနေရာ ပြေးခံ ဒီနေရာပြေးခံ ရတတ်တဲ့ ရန်ကုန်မြို့နယ် အချို့က အိမ်ကလေးတွေ အတော်များများမှာ ဟိုပြောင်းဒီပြောင်း လုပ်ရင်းနဲ့ ကျွန်တော် ဘဝ အစစ်အမှန်တစ်ခု အရင်းပြုပြီး ရှင်သန်ကြီးပြင်းခဲ့ရတယ်။ ဘယ်လိုပဲ အခြေအနေ တွေဟာ မပြည့်မစုံဘူး ဆိုပေမဲ့လည်း အမေ့ရဲ့ လက်ထဲမှာ သားတို့ရဲ့ အနာဂတ်ရှိပြီး သားတို့ တွေ ကောင်းမှူ ကုသိုလ်လုပ်မှ ရောက်ရမဲ့ နတ်ပြည် သုခဘုံဆိုတာဟာ အမေ့ရဲ့ ခြေဖဝါးအောက်မှာ ရှိတယ်ဆိုတာလည်း ရင်ထဲ အသည်းထဲက ယုံကြည်ပြီးသားပါ။ သိန်းချီတန်တဲ့ ဖုန်းတွေ ၁၅၀၀ တန် ဖြစ်သွားကြပြီ။ သိန်း ထောင်ကျော်တန်တဲ့ ကားတွေ ရာကျော် ဖြစ်သွားကြပြီ ဒီလိုနဲ့ပဲ သားမိုက်တစ်ယောက် ရုပ်ဝတ္တုတွေ နောက် ဖိနပ်ပါးအောင် ပြေးလိုက်ရင်း အမေနဲ့ ဝေးကွာသထက် ဝေးကွာခဲ့ရတယ်။ ဖြူစင် မေတ္တာ အကြင်နာမှ တစ်ပါး အခြားပေးစရာ ဘာမှ မရှိပေမဲ့လဲ အမေ ဟာ အမေ ပါပဲလေ။ သားကိုသခင်၊ လင်ကို ဘုရား ဆိုစကား ရှိမြဲရှိလည်း ဒီထက်ပိုကြောင်း လူတိုင်း သိတယ်။ အမေ့ဂုဏ်ကျေးဇူးအတွက် ခိုင်းနှိုင်းစရာတွေရှိစကောင်းပေမဲ့ စကားလုံးတွေနဲ့ ဖော်ပြရတာ မလုံလောက်ဘူး လို့ထင်တယ်။

အမေကတော့ သားတို့ကို ထားရစ်ပြီး ငြိမ်းချမ်းသွားပေမဲ့ ကျွန်တော်တို့ကတော့ ဂရုဏာတရား ခေါင်းပါးလှတဲ့ နွေခေါင်ခေါင် လောက ကန္တာရကြီးကို ကိုယ်ကျင့်တရား ဆိုတဲ့ ထီးကို ဆောင်းပြီး တခါတရံမှာတော့ မုသာဝါဒဆိုတဲ့ ခြေနင်းက ချနင်းသင့် နင်းနေရတုန်းပါပဲ။ တခါတလေ ပါးပြင်ပေါ်မှာ မြစ်နှစ်စင်း ဖြစ်ပေါ်လာတတ်တဲ့ အခါမျိုးတွေမှာ အမေ့မျက်နှာကို မြင်ယောင်ပြီး ခွန်အားသစ်တို့ ပို့ ပေးပါလို့ ဆုတောင်းလိုက်ပါတယ် အမေ။

အတီး(ဝါးလုံးရှည်)

ရွာကျော်ခဲပစ်ခြင်း

မျက်စိတွေတောင် မှားသွားရော့သလား လို့တောင် အောက်မေ့ရတယ်၊ တကယ်ပြောတာပါ။ ထူးထူးဆန်းဆန်းပါပဲ။

မြန်မာနိုင်ငံသားတွေ ပြည်ပမှာ အသက်ဆုံးရှုံးရတာနဲ့ ပတ်သက်လို့ မြန်မာ အစိုးရ ဆီကနေ သက်ဆိုင်ရာ အစိုးရဆီကိုဥပဒေ အတိုင်း မှန်မှန်ကန်ကန်ဖြစ်စေရန်နဲ့ ပြည်ပရောက် မြန်မာနိုင်ငံသားများ အသက်အန္တရယ်လုံခြုံရေးအတွက် တရားဝင် တောင်းဆိုလိုက်တာဟာ ဘဝ မှာ ပထမဆုံးအကြိမ်ကြားဖူးလိုက်ခြင်းပါပဲ။

ဘာပဲဖြစ်ဖြစ်ပါ ၊အစိုးရရဲ့ လုပ်သင့် လုပ်ထိုက်တာကို တောင်းဆိုလိုက်တဲ့ လုပ်ရပ်အတွက် ကြိုဆိုပါတယ်။ ဆက်လက်ပြီးတော့ ထိုင်းနိုင်ငံမှာ ရောက်ရှိနေတဲ့ တရားဝင်၊ တရားမဝင် မြန်မာလုပ်သား အားလုံးရဲ့ နေ့စဉ်နှင့် အမျှ ခံစားနေရတဲ့ အနိုင်ကျင့် သတ်ဖြတ်ခံနေရမှူများကိုပါ တရားဝင် တောင်းဆို ပေးပါ သမ္မတကြီး ရယ်။

ပြောမဲ့သာ ပြောရတယ်။ အစိုးရ ခမျာ မှာလဲ မျက်စိ မျက်နှာ ငယ်ငယ်နဲ့ သွားပြီး အောက်ကျို့ နေရပုံပါပဲ။ ဘာဖြစ်လို့လဲ ဆိုတော့ ကိုယ့်ပြည်တွင်းမှာပဲ လွန်ခဲ့တဲ့ နှစ် အနည်းငယ်အတွင်းက အစောင့်အကြပ် ထူထပ်ပြီး တစိမ်းတရံ မျက်နှာမွဲတစ်ဦး ဝင်ရောက် ဖြတ်သန်းရန်ပင် လွယ်ကူလှသည့် နေရာမဟုတ်တဲ့ စိမ်းလဲ့ကန်သာ ငါးလောင်းပြိုင် လူသတ်မှူလိုမျိုး၊ တောင်ကုတ်မှာ ခရီးသွား ဆယ်ယောက်ကို နေ့ခင်းကြောင်တောင် လူမြင်ကွင်းမှာတင် ဆွဲချပြီး ရက်ရက်စက်စက် သတ်ဖြတ် အကြမ်းဖက်မှူလိုမျိုး၊ မိတ္တိလာ က လူကြီး တစ်ယောက်ကို ပြန်ခုခံဖို့တောင် အင်အားမရှိလှတဲ့ စာသင်ကျောင်းက အပြစ်မဲ့ ကလေးငယ် တွေကို သူရဲဘော ကြောင်စွာ လူစုလူဝေးနဲ့ မီးရှို့သတ်ဖြတ်မှူတွေ ကိုတောင် ထိထိရောက်ရောက် မကိုင်တွယ်နိုင်တရားခံများ မဖော်ထုတ်နိုင်ပါ သေးပါပဲ နဲ့ ရွာ ကျော် ခဲပစ် ချင်သလိုဖြစ်နေလို့ပါ။

ရိုင်းရိုင်းပြောရရင် ဖြင့် ပုဆိုးမပါ ဘာမပါ ဖင်ဟောင်းလောင်းကြီးနဲ့ လူက ရှေ့မှာမြင်နေရတဲ့ လူရဲ့ ပုဆိုးမီးပေါက် ကလေးကို လက်ညိုးထိုးပြီး အပြစ်တင်ချင်သလို ဖြစ်နေလို့ပါပဲ။

အင်ဒိုနီးရှားနိုင်ငံက ရန်ပွဲမှာ အသက်ဆုံးရှုံးသွားရတဲ့ မြန်မာ နိုင်ငံသား တံငါသည် ၈ယောက် အတွက်တော့ လူသားချင်း စာနာမှူအနေနဲ့ရော၊ မြန်မာနိုင်ငံသားတစ်ယောက် အနေနဲ့ရော အထူးပင် စိတ်မကောင်း ဝမ်းနည်းဖြစ်ရပါသည်။

ဒီလို ဖြစ်ရပ် မျိုးတွေ ပေါ်ပေါက်လာရခြင်းဟာ ပြည်တွင်းမှာ ရှိတဲ့ အစွန်းရောက် တဇောက်ကန်း မျိုးချစ်သူရဲကောင်းများ၊ပြည်ပမှာ ရောက်ရှိ အခြေချ၊ ကျည်ကွယ်၊ မျက်ကွယ် မှာ နေပြီးပြည်တွင်းမှာ ရှိတဲ့ကိုယ့်နိုင်ငံသား အချင်းချင်းကို ခွေးလို သဘောထားကာ ရှူးတိုက်ခိုင်းပြီး ရန်ပွဲကို ကွန်ပြုတာ ရှေ့ကနေထိုင် ၊ ဟမ်ဘာကာ လေးကိုက်၊ စီးကရက်လေး ခဲပြီး တစိမ့်စိမ့် အရသာ ခံကြည့်တတ်တဲ့ အွန်လိုင်း ကီးဘုတ် သူရဲကောင်းများ အပေါ် တိုက်ရိုက်ကော၊ သွယ်ဝိုက်ပြီးတော့ပါ တာဝန်ရှိသွားပါပြီ။

ကိုယ်ပြည် တွင်းမှာ ကိုယ်ထင်ရာ စိုင်းလို့ရပေမဲ့ ပြည်ပမှာ ရောက်နေတဲ့ မြန်မာနိုင်ငံသား မြောက်များစွာတို့ရဲ့ အသက်အန္တရယ် ကို ငဲ့ကွက်ကြပါဦးလို့ တောင်းဆိုချင်ပါတယ်ခင်မျာ။

ဟေ့ သတ္တိမရှိဘူး၊ ကြောက်နေရင် ပြည်တွင်း ပြန်ဝင်ခဲ့ကြလို့တော့ သွားမပြောနဲ့။ ဘယ်သူမှ ပြန်လာမှာ မဟုတ်ဘူး။ ဘာဖြစ်လို့လဲ ဆိုတော့ ခင်များတို့ရဲ့ အမျိုးသားရေး ဆိုတဲ့ ဟာကြီးက အဲဒီလူတွေကို အလုပ်အကိုင်တွေ ဖန်တီးပေးပြီး အဲဒီလူတွေရဲ့ မိသားစုတွေကို ထမင်းကျွေးပေးမှာမှ မဟုတ်တာ။ နော့။

ဒီရန်ပွဲအတွက်တော့ စိတ်မပူပါနဲ့၊ ဒီ လိုမျိုး သာမန်ရာဇဝတ်မှူမျိုးတွေကို အထိကရုန်း မဖြစ်အောင်၊ မိတ္တိလာမှာလိုမျိုး တမြို့လုံး ပြာမကျ အောင် ထိန်းသိမ်းဖို့ ၊ဥပဒေ နဲ့ အညီဆောင်ရွက်ဖို့ အင်ဒိုနီးရှား အစိုးရက ကိုင်တွယ်နိုင်မယ်လို့ ကျွန်တော်ယုံကြည်ပါတယ်၊

ဘာဖြစ်လို့လဲ ဆိုတော့ ၁၉၉၈ မှာ ဖြစ်ပွါးခဲ့တဲ့ အင်ဒို - တရုတ် အရေးအခင်းလိုမျိုး သင်ခန်းစာကောင်း ၊ အတွေ့အကြုံကောင်းတွေအင်ဒိုနီးရှား အစိုးရမှာ ရှိနေလို့ပါပဲ။

နိဂုံးချုပ် ပြောရရင်တော့ ရွာကျော်ခဲပစ် ချင်ရင်လဲ ကိုယ့်အောက်ပိုင်းမှာ ဟောင်းလောင်းကြီးဖြစ်နေတဲ့ အရှက်ရစရာတွေကို လုံလုံခြုံခြုံဖြစ်အောင် အရင် ဖုံးဖိပြီးမှ ပစ်ကြဖို့ တောင်းဆိုချင်ပါတယ်။

ဟိုပေါ်ဒီပေါ်နဲ့ ခဲကို အရှိန်ယူပြီး ပစ်ဖို့ အားယူနေရင် ဟောင်းလောင်းကြီးဖြစ်နေတဲ့ အနောက်မှာ မတ်တတ်ရပ်ပြီး ချောင်းဆိုးနေတဲ့ ပေါက်ဖော်အိမ်နီးနားချင်း အတွဲလိုက်ကြီးကို ကမ္ဘာကို လှည့်ပြသလို ဖြစ်မှာ စိုးရိမ်လို့ပါပဲခင်မျာ။

အတီး(ဝါးလုံးရှည်)

တရုတ်နိုင်ငံရဲ့ ဆိုးရွားလွန်းခဲ့ဖူးတဲ့ သမိုင်း အပိုင်းအစ အချို့

လူသားသမိုင်းမှာ ဖြစ်ပွါးခဲ့တဲ့ လူအသေအပျောက် အများဆုံးဖြစ်စဉ်တွေထဲမှ ကိန်းဂဏန်း အများဆုံးနဲ့ အရက်စက်ဆုံး အကြမ်းတမ်းဆုံး ဖြစ်စဉ်တခုကို သင်သိပါသလား?? အဖြေမှန်ကတော့ ၁၉၅၈ ခုနှစ်မှ ၁၉၆၁ ခုနှစ်အတွင်းမှာ ကျွန်တော်တို့ အိမ်နီးချင်း တရုတ်နိုင်ငံမှာ ဖြစ်ပွါးခဲ့တဲ့ အငတ်ဘေးဆိုက်မှု ကြီးပဲဖြစ်ပါတယ်။

ထုံးစံအတိုင်း တရုတ်အစိုးရရဲ့ တရားဝင် ကိန်းဂဏန်း ထုတ်ပြန်မှူများအရ လူဦးရေ ၁၅ သန်းလောက်သာ ဖိတ်စင်ခဲ့တယ်လို့ ဆိုခဲ့ပေမဲ့ ပညာရှင်များရဲ့ ခန့်မှန်းမှူအရ အနည်းဆုံး ၄၅သန်းထက် မလျော့နိုင်ဘူးဟု သိရပါတယ်။

ဒီကိန်းဂဏန်းတွေထဲမှာ အငတ်ဘေးကြောင့် သေဆုံးခဲ့သူများအပြင် တရုတ် ဗဟို အစိုးရရဲ့ နိုင်ငံရေး ပြိုင်ဖက် အတိုက်အခံများကို ဖမ်းဆီး နှိပ်စက် ညှင်းပန်းခြင်းကြောင့် သေဆုံးရသူ အရေအတွက်ပါ ပါဝင်ပါတယ်။

ဒီလို ဝမ်းနည်းဖွယ် ဖြစ်ရပ်ဆိုးကြီး စတင်ဖြစ်ပွါးခဲ့ရတဲ့ အခြေခံ အကြောင်းရင်းကတော့ တရုတ်နိုင်ငံ မြောက်ပိုင်းမှာ ရှိတဲ့ စိုက်ပျိုးမြေများ ဟာ မိုးရေလုံးဝမရရှိပဲ မိုးခေါင်မှူမှ စတင်ပါတယ်။ တချိန်တည်းမှာပဲ တရုတ်နိုင်ငံရဲ့ တခြားဒေသတွေမှာ ရေကြီးခြင်းနဲ့ ပုံမှန်မဟုတ်တဲ့ရာသီ ဥတုဖောက်ပြန်ခြင်း တို့ တချိန်တည်းမှာပဲ ဖြစ်ပေါ်ခဲ့ပါတယ်။ လေလာသူများရဲ့ သုံးသပ်ချက်အရ ဒီဆိုးရွားလှတဲ့ ဖြစဉ်ကြီးရဲ့ တရားခံ အကြောင်းရင်း ၃၀ရာခိုင်နှုန်းဟာ သဘာဝဘေး အန္တရယ်ကြောင့်သာ ဖြစ်ပြီး ကျန်တဲ့ ၇၀ရာခိုင်နှုန်းကတော့ လွဲမှားတဲ့ စီမံခန့်ခွဲမှူကြောင့်လို့ ဆိုပါတယ်။

ဒီလို လွဲမှားတဲ့ စီမံခန့်ခွဲမှူဆိုရာမှာ မအောင်မြင်တဲ့ စိုက်ပျိုးရေး စနစ်အသစ် ကိုအတင်းအကျပ် ပြောင်းလဲ အသုံးပြုခိုင်းခြင်း ၊မြေယာများ အား အစိုးရပိုင်ပြုလုပ်ခြင်း တို့အပြင် နှေးကွေး လေးလံလှတဲ့ ဗဟို အစိုးရ ချုပ်ကိုင် ကြိုးနီစနစ်တို့ စတဲ့ အလွန်လွဲမှားတဲ့မဟာ စီမံခန့်ခွဲမှူ အမှားတော်ပုံကြီးလို့ ပင်ခေါ်နိုင်လောက်ပါသည်။ အငတ်ဘေးဆိုက်မှု အတွင်းမှာ လူများသာမက ကြွက်များပါ ငတ်မွတ်မှူကြောင့် သေဆုံးရတယ် လို့ ဆိုပါတယ်။  

လူများဟာ ရရာ အစာကိုရှာဖွေ စားသုံးရာမှ ခွေးများ၊ကြောင်များ အစရှိတဲ့အိမ်မွေးတိရိစ္ဆာန် များကို စားသုံးရာမှ ကိုယ့် အသက်ရှင်ရပ်တည်ရေး အတွက် လူအချင်းချင်းသတ်ဖြတ်စားသုံးတဲ့အထိ ရက်စက်ကြမ်းကြုတ်ကုန်ကြပါတော့တယ်။

ဒီလို ကပ်ဆိုက်နေတဲ့ သုံးနှစ်တာ ကာလအတွင်းမှာ တရုတ်လူမျိုးတွေဟာ မြန်မာနိုင်ငံ အပါအဝင် ဗီယက်နမ်၊ ထိုင်းနိုင်ငံ အစရှိတဲ့ အိမ်နီးချင်း နိုင်ငံတွေကို ထွက်ခွါသွားကြ ရပါတော့သည်။

ဒါကြောင့် ယနေ့တွေ့မြင်နေရတဲ့ မြန်မာပြည်ပေါက် တရုတ်လူမျိုးများ အပါအဝင် ကမ္ဘာအနှံ့မှာ ပြန့်ကျဲနေတဲ့ မျက်မှောက်ခေတ် တရုတ်လူမျိုးတွေဟာ သမိုင်းပေး သင်ခန်းစာအရ အလုပ်ကို အင်အတန်မှ ကြိုးစားလုပ်ကိုင်ပြီး နောင်ရေးအတွက် စုဆောင်းကြတာ ကို အတော်များများ တွေ့ရနိုင်ပါတယ်။

ကျွန်တော့အမြင်ကတော့ တရုတ်လူမျိုးမှ မဟုတ်ပါဘူး။ ဘယ်လူမျိုးမဆို တခါသေဘူး ပျဉ်ဖိုးနားလည်ဆိုတဲ့ စကားပုံအတိုင်းပါပဲ ဆင်းရဲတွင်းနက်ဖူးတဲ့ ဘယ်သူမဆို အဆင်ပြေပြီး တဲ့နေရာတခုခုကို ရရှိပြီးပြီဆိုရင်တော့ တဖန်ပြန်လည် ဆင်းရဲမှာကို သေမလောက် ကြောက်တတ်ကြပါတယ်။ တခြားမကြည့်ပါနဲ့။ ကျွန်တော်တို့ နိုင်ငံအတွင်းမှာ ရှိတဲ့ငှါနဆိုင်ရာ အကြီးအကဲ တွေရဲ့လာဘ်စားမှူ အခြေအနေကိုသာ သုံးသပ်ကြည့်ပါ။ 

ငယ်စဉ်တောင်ကျေးဘဝ ဆင်းရဲတွင်းနက်ခဲ့သူနဲ့ ပုံမှန် ဘဝကို အဆင်ပြေပြေ ဖြတ်သန်းလာခဲ့ကြသူ တို့ယှဉ်ကြည့်ရင် ငယ်စဉ်က ဆင်းရဲခဲ့သူမှာ ပုံမှန်မဟုတ်တဲ့ နည်းလမ်းမျိုးတွေကို လုပ်ပြီး ကိုယ်ကျိုးရှာ တဲ့နေရာမှာ သိသိသာသာကြီးကို ပိုမိုနေတာကိုတွေ့ရမှာပါ။ ဒီလိုမဟုတ်ပဲ ဆင်းရဲသော်လည်း ရိုးရိုးသားသား နည်းလမ်းကို အသုံးပြုပြီး ချမ်းသာလာတဲ့သူများလဲ ရှိပေမဲ့ ရာခိုင်နှုန်း အနေဖြင့်တော့ များနေတာကိုတော့ လက်ခံရမှာပဲဖြစ်ပါတယ်။

သမိုင်းထဲက အစတခုကိုတော့ ဆွဲထုတ်လိုက်ပါပြီ။ တရုတ်က မြန်မာအငတ်တွေကို ကျွေးနေရတာလား၊ တရုတ် တွေငတ်တုန်းက မြန်မာအပါအဝင် အိမ်နီးချင်းနိုင်ငံတွေက တရုတ်အသုဘကို ဝိုင်းထမ်းပေးခဲ့ရ သလားဆိုတာကို။ မြန်မာတွေငတ်နေတုန်း တရုတ်က ကျွေးထားရတယ် ဆိုတဲ့လူကြီး ကိုယ့်စကားကိုယ်သာတာဝန် ယူပေတော့ဗျို့။

အမေရိကန်သမ္မတ အိုဘားမားဟာလည်း သူပြောတဲ့ စကားအတွက် တာဝန်ယူဖို့  ပြောဆိုပြီးဖြစ်သလို လူအချင်းချင်း သတ်ဖြတ်ချင်စိတ် ဖြစ်ပေါ်လာအောင် ဖွခဲ့၊ရှုပ်ခဲ့၊လိမ်ခဲ့၊ မဟုတ်မမှန် လုပ်ကြံ ခဲ့သူများဟာလည်း တချိန်ချိန်မှာ ကိုယ့်လုပ်ရပ်တွေ အတွက် ကိုယ်ပြန်တာဝန် ယူရမှာဖြစ်ပါတယ်။ ထိုနည်းလည်းကောင်းပါပဲ ကျွန်တော်အတီးဟာလည်း ကိုယ်တင်တဲ့ပို့စ်၊ ကိုယ်ပြောတဲ့စကားကို ရဲရဲကြီးတာဝန်ယူရဲပါတယ်။ ကျွန်တော်ဟာ ဘယ်အဖွဲ့အစည်း ဘယ်ဌာနကိုမှ ကိုယ်စားမပြု၊ အတီးသည် အတီးတယောက်ကိုသာ ကိုယ်စားပြုပါတယ်။ အထင်တွေလွဲမှားခြင်းမှ ကင်းဝေးကြပါစေ။ 

လူသား အားလုံးကို လေးစားလျှက်
ပုံ
အတီး (ဝါးလုံးရှည်)

ရန်ကုန်မြို့ရဲ့ သမိုင်းတစွန်းတစ နဲ့ လူမျိုးများ ဝင်ရောက် အခြေချနေထိုင်ပုံ

တို့မြန်မာတွေရဲ့ အမြင်စူးရှပြီး တလွဲဆံပင်ကောင်းပုံတချို့ကိုအနည်းငယ်ထင်ပြလိုပါတယ်ခင်မျာ။ အခုတလော အတီးတင်တဲ့ရှေးဟောင်းပုံတွေမှာပါလာတတ်တဲ့ ကိုယ့်အဘိုးအဘွား အရွယ်လောက်ရှိတဲ့ လူမျိုးခြားတွေကို တချို့ကဘုမသိ၊ဘမသိနဲ့ အသားလွတ် ဝင်ရောက် ဆဲဆိုတာတွေ၊နောက်ပိုင်းမှ နိုင်ငံကို အခြေချလာပြီး အောက်တန်းစားအလုပ်တွေကို လုပ်ကိုင်နေကြသူတွေ အဖြစ် ရှု့မြင်လာကြတာကို အတော်များများတွေ့လာရပါတယ်။
ဒီလို မိုက်ရိုင်းတဲ့ အယုတ္တ အနတ္တ စကားလုံးတွေကိုတော့ ကောမန့်ကနေဖယ်ရှားတာကလွဲပြီး ဘာမှတုံ့ပြန်မှာမဟုတ်ပေမဲ့လဲ ပြန်ကြားရေး စာအုပ်ထဲက လေသံဖြင့် ရန်ကုန်မြို့ သမိုင်းကို ဝေဖန်မိသော လူများအတွက်တော့ ဖြေရှင်းချက်ပေးပါရစေ။ တကယ်တော့ ဒါတွေဟာ သိပ်အထူးအဆန်းတော့လဲ မဟုတ်လှပါဘူး။ ကျွန်တော်တို့ရဲ့ ပညာရေးစနစ်ကြီးဟာ မျိုးဆက်နှစ်ခုစာမက အမှောင်ချခံထားရတဲ့ ဖတ်စာအုပ်တွေနဲ့ ကြီးပြင်းလာရလို့ပါပဲ။ ဒီလိုပြောလို့ ကျွန်တော်ဟာလဲ သမိုင်းပညာရှင်ကြီးမဟုတ်ပဲ ဝါသနာအရ အလွတ်တန်း လေ့လာလိုက်စားတဲ့ ဝါသနာရှင်တဦးသာဖြစ်ကြောင်းကိုကြိုတင်အသိပေးထားပါရစေ။ ဆက်လက်ပြီး “ရန်ကုန်မြို့ရဲ့ သမိုင်းတစွန်းတစ နဲ့ လူမျိုးများ ဝင်ရောက်အခြေချနေထိုင်ပုံကို ကျွန်တော် လက်လှမ်းမှီသလောက်လေး တင်ပြပေးပါရစေ။
တကယ်တော့ ဒီ တရုတ်၊ကုလားစတဲ့ လူမျိုးတွေဟာ အများထင်သလို အင်္ဂလိပ်လက်ထက်လောက်မှာမှ ရုတ်တရက်ကြီး ဝင်ရောက်အခြေချပြီး လူဦးရေဗုံးဘောလလော တိုးပွါးလာတာမဟုတ်ပါဘူး။ကိုလိုနီခေတ်မရောက်မှီ အောက်မြန်မာနိုင်ငံကိုမြန်မာများမသိမ်းပိုက်မှီ မွန်ဘုရင်များ အာဏာသက်ရောက်စဉ်ကာလတွင်းမှာပင် ဒဂုံ၊သန်လျင်၊ အစရှိတဲ့ အရပ်ဒေသများကိုဝင်ရောက်အခြေချနေထိုင်မှူတွေရှိနေပြီဖြစ်ပြီး မြန်မာဘုရင်များ ရန်ကုန်မြို့ကို အာဏာသက်ရောက်စဉ်မှာတော့ သူတို့ရဲ့အခြေချမှုဟာ အတော်လေးကို ခိုင်မာနေပြီဖြစ်ပါတယ်။ ဒီလိုပြောလို့ ကျွန်တော်လက်လွတ်စံပယ်ရမ်းပြောတာမဟုတ်ပါဘူး။ တကယ်ရှိခဲ့တဲ့ ရန်ကုန်မြို့ရဲ့ သမိုင်းအမှန်ကိုတင်ပြနေခြင်းသာဖြစ်ပါတယ်။ကောင်းပါပြီ။ ဆက်လက်ပြီး အထောက်အထားများနဲ့တင်ပြပေးပါ့မယ်။

၁၃ ရာစုမတိုင်မှီကပင် အိန္ဒိယ၊အာရပ် ရေကြောင်းသွား ကုန်သည်တို့သည်မလက္ကာရေလက်ကြားနှင့် အင်ဒိုနီးရှား ဂျာဗားကျွန်းသို့ အသွား သန်လျင်မြို့တွင် ခရီးတထောက် နားကာ ရေချိုနှင့်စားနပ်ရိက္ခာဖြည့်တင်းခြင်း၊ သင်္ဘောကြံ့ခိုင်မှူများ ပြန်လည်စစ်ဆေးခြင်း၊တည်ဆောက်ခြင်းများရှိနေပြီဖြစ်ပါသည်။
မွန်ဘုရင် ရာဇာဓိရာဇ်(ခေါ်)ဗညားနွဲ့(၁၃၈၃-၁၄၂၁) ဟာ အိမ်နိမ့်စံ မင်းသားဘဝနှင့် ဒဂုံ(ရန်ကုန်)အရပ်ကို အခြေစိုက်ပြီး ဟံသာဝတီထီးနန်းကို ပုန်ကန်ခြားနားစဉ်က ရာဇာဓိရာဇ်ဟာ အိန္ဒိယပင်လယ်မှရောက်ရှိလာကြတဲ့ မွတ်စလင် အာရပ် သင်္ဘောသားတွေရဲ့အကူအညီကို ရယူခဲ့တာ ယုံမှားသံသယဖြစ်ဖွယ် မရှိကြောင်းကို B. R. Pearn ရေးသားတဲ့ A History of Rangoon စာအုပ်မှာ ဒီလိုရေးသားထားပါတယ်။
During his occupation of Dagon, Razadarit had been aided by certain Muslim seamen, doubtless some of the Arabs who traded across the Indian Ocean so freely in these days; and this would suggest that the River was now being frequented by foreign sailors who took their merchandise through the Delta creeks to Pegu.
အလောင်းမင်းတရားကြီး လက်ထက် ၁၇၅၅ အရောက်မှာတော့ လူမျိုးခြားများရဲ့ ရန်ကုန်မြို့မှာ အခြေချနေထိုင်မှူကို နဂါးဗိုလ်ထိပ်တင်ဒွေးပြုစုသော ရန်ကုန်မြို့ သမိုင်းစာအုပ်ရဲ့ စာမျက်နှာ ၂၄ မှာဒီလိုရေးသားထားပါတယ်။
(အရှေ့နှင့်အနောက်ဖောက်လုပ်ထားသော လမ်းမှာယခုကမ်းနားလမ်း မြောက်ဘက်အနီးတွင်ရှိ၍ကုလားတန်းဟုခေါ်သည်။ကုလားတန်းဟုခေါ်ခြင်းမှာ အိန္ဒိယတိုင်းသားများနှင့် ဥရောပတိုက်သားများ ထိုစဉ်အခါက ဝင်ရောက်အခြေချနေထိုင်သည်ကို အစွဲပြု၍ကုလားတန်းဟုခေါ်သည်။အင်္ဂလိပ်ကိုကုလားဖြုဟုခေါ်၍ အိန္ဒိယတိုင်းသားများကို ကုလားမဲဟုခေါ်သည်။မြို့တွင်း၌ မြို့ဝန်မင်းအိမ်တော်နှင့် ရုံးတော် စစ်ကဲ၊စစ်ကြပ်၊ဗိုလ်မှူးစသော အရာရှိအိမ်များ၊ မဟာမေဒင် ဘလီ ၊ဘုရင်ဂျီ ဘုရားရှိခိုးကျောင်း၊အာမေနိယံ ဘုရားရှိခိုးကျောင်းနှင့် အကောက်ရုံးတော်နှင့် ဆင်းရဲသားအိမ်များရှိသည်။နိုင်ငံခြားသားများသည် ရောင်းဝယ်ဘောက်ကား၍နေထိုင်ကြသည်။သင်္ဘောဆိပ်များနားတွင် ကုန်တင်ကုန်ချရန်ပစ္စည်းများကို သိုလှောင်ရန်ဂိုဒေါင်များရှိသည်။၎င်းသင်္ဘေင်္ာဆိပ်သုံးခုအနက် တခုမှာ ယခုလတ္တာလမ်းတွင် တရုတ်လူမျိုးတို့၏ သင်္ဘောများ ဆိုက်ကပ်ရန်မြန်မာမင်း၏ ခွင့်ပြုချက်အရ သင်္ဘောဆိပ် တခုရှိသည်။တရုတ်လူမျိုးများလည်းတစတစဝင်ရောက်စီးပွါးရှာပြီးလျှင် ဆိပ်ကမ်းအနီးတွင် ရပ်ကွက် သီးခြားနေထိုင်ကြသည်။ ကျန်သင်္ဘောဆိပ်တခုမှာ အခြားနိုင်ငံများမှလာသော သင်္ဘေင်္ာများဆိုက်ကပ်ရန်ဖြစ်သည်။ဥရောပတိုက်သားများသည် ရန်ကုန်မြို့၌လာရောက်နေထိုင်ကြသည်။၎င်းတို့အနက် အချို့ကား ကုန်သည်များဖြစ်ကြ၏။ တချို့ကား မြန်မာဘုရင်များထံ၌ ကျေးတော်မျိုး၊ကျွန်တော်မျိုး အဖြစ် ဝင်ရောက်အမှုထမ်းကြ၏။မစ္စတာ ဂျောင်းဆေးဆိုသူနှင့် ဘာဘာရှိန်(Mr Jhaunsay and Baba Sheen)တို့သည် အကောက်ခွန်အရာရှိနှင့် အခွန်ဝန်အဖြစ် ဆောင်ရွက်ကြသည်။) ဟူ၍ အထင်အရှားပါရှိပါသည်။
တဖန် B. R. Pearn ရေးသားတဲ့ A History of Rangoon စာအုပ်ထဲမှာလဲ ဒီလိုဖော်ပြထားပါသေးပါတယ်။
inside the stockade, which, as suburbs grew up, came to be known as “the Fort” (the strict meaning of the Burmese myo), the town consisted primarily of three streets running east to west, and two running south to north; l there were other minor streets also, including one immediately behind and parallel to the southern side of the sodckade. The southernmost of the major east-west streets, running slightly north of the present Strand Road, came to be known as the Kaladan, “the street of the foreigners”, because most of the foreign merchants lived there.
အင်္ဂလိပ်လူမျိုးကော၊မြန်မာလူမျိုးက ပါပြုစုထားတဲ့ရာဇဝင်ကျမ်းအချက်မှန်၊မမှန်ကို ကျွန်တော်တင်ပြထားတဲ့ပုံမှာပါရှိတဲ့ ဗလီများ။ ဘုရားရှိခိုးကျောင်းများ၊အာမေးနီးယမ်း သချိုင်းနေရာများနဲ့တိုက်ဆိုင်စစ်ဆေးနိုင်ပါတယ်။
ဒီအထောက်အထားတွေကိုကြည့်ချင်းအားဖြင့် ဝင်ရောက်အခြေချနေထိုင်သူတွေဟာ သူတို့ရဲ့ ကိုယ်ပိုင် သာသနာကို လွတ်လပ်စွာ ကိုးကွယ်ပိုင်ခွင့်ရှိသလိုဒေသခံများကနေ တခြားဘာသာများကို ကူးပြောင်းကိုးကွယ်တာမျိုးရှိနိုင်သလို လူမျိုးခြားကနေ ထေရဝါဒ ဗုဒ္ဓဘာသာ ကိုမိမိနှလုံးသားမှ ကြည်ဖြူစွာကူးပြောင်းသွားသူများလဲ ရှိပါတယ်။ သက်သေအဖြစ်ပြရမယ်ဆိုရင်ဖြင့် B. R. Pearn ရဲ့ A History of Rangoon စာအုပ်မှာပဲ ဒီလိုဖော်ပြထားပါတယ်။
The easternmost road, which was an extension of the town road corresponding with modern Lewis Street, passed out through the Wungyi’s gate and was known as the Wungyi’s Road; the name was derived from the circumstance that the town road of which the Wungyi’s Road was the extension ran past the Myowun’s residence. This road ran from the gate in a direction slightly west of north and at about the point where the Sots Kirk now stands came on to the line of the modern Signal Pagoda Road and so to the Pagoda. These roads were both paved with bricks by a Muslim merchant who turned Buddhist.
ဒါကိုကြည့်ချင်းအားဖြင့် ဝန်ကြီးလမ်း(ယခု အလံပြဘုရားလမ်း အနီးဟုခန့်မှန်းရ)လို့ခေါ်တဲ့ လမ်းကို အလံပြဘုရားလမ်းနှင့် ရွှေတိဂုံဘုရားထိရောက်အောင် ဖောက်လုပ်လှုဒါန်းခဲ့သူမှာ ဗုဒ္ဓဘာသာကို သက်ဝင် ယုံကြည်လာသူ မွတ်စလင် ကုန်သည်တယောက် ( Muslim merchant who turned Buddhist.) ဖြစ်ခဲ့တယ်ဆိုတာကို အထင်အရှားမြင်တွေ့နိုင်ပါတယ်။
ဒီလောက်ဆိုရင်တော့ လူမျိုးခြားတွေဟာ အင်္ဂလိပ်ခေတ်လောက်မှ တပြုံတခေါင်းကြီးဝင်ရောက်လာတာမဟုတ်ဘူးဆိုတာကိုအားလုံး သဘောပေါက်ကျေနပ်နိုင်ကြမယ်ထင်ပါတယ်။ ကိုလိုနီခေတ်ရောက်မှ လူဦးရေတိုးတက်လာတာတော့ အမှန်ပါပဲ။ ဒီအကြောင်းကို လက်လှမ်းမှီသလောက်လေး ကျွန်တော်တင်ပြပေးပါရစေ။ အင်္ဂလိပ်တွေဟာ အောက်မြန်မာနိုင်ငံကို သိမ်းပိုက်ပြီးနောက်ပိုင်းမှာတော့ မြို့များတည်ဆောက်ရန်နှင့် မီးရထားလမ်းဖောက်လုပ်ရန် အတွက် လိုအပ်တဲ့လုပ်သားအများအပြင် စီးပွါးရေးလုပ်ကိုင်နိုင်တဲ့ အရင်းရှင်ကုန်သည်တချို့ကိုပါ အိန္ဒိယနိုင်ငံမှတဆင့်ခေါ်သွင်းလာခဲ့ပါတယ်။ ဒီနေရာမှာတော့ ဘာသာရေးနဲ့မဆိုင်တော့ဘူးလို့ထင်ပါတယ်၊ဘာကြောင့်ဒီလိုပြောနိုင်သလဲဆိုတော့ ဝင်ရောက်လာတဲ့ အလုပ်သမားအများစုမှာ ယေဘုယျအားဖြင့် အိန္ဒိယလူမျိုး ဟိန္ဒုဘာသာဝင်တွေဟာ မြို့ပြတည်ဆောက်ရေးလုပ်ငန်းခွင်တွေနဲ့အခြေခံလုပ်ငန်းခွင်များ။ အိန္ဒိယလူမျိုး ခရစ်ယာန်ဘာသာဝင်တွေ အတော်များများဟာ မီးရထားလမ်းဖောက်ရေး လုပ်ငန်းခွင်အတွင်း(ရန်ကုန် ပဲခူးမီးရထားလမ်းမတလျှောက် ထို အိန္ဒိယ -ခရစ်ယာန် ဘာသာဝင် ကျေးရွာကြီး တွေကို အခုထိတွေ့မြင်နိုင်ပါတယ်)အိန္ဒိယလူမျိုး အစ္စလာမ်ဘာသာဝင်တွေဟာ အရောင်းအဝယ်နှင့် ကုန်သည်လုပ်ငန်း၊အိန္ဒိယတောင်ပိုင်းသားဖြစ်တဲ့ ချစ်တီးလူမျိုးတွေဟာ ငွေတိုးချေးတဲ့လုပ်ငန်းတွေကို အားသန်လုပ်ကိုင်ကြတာကိုတွေ့ရပါတယ်။ ဒီတင်ပြချက်ဟာ ကျွန်တော်သိထားသလောက် အကြမ်းဖျင်းတင်ပြချက်သာဖြစ်ပြီး လူမျိုးတမျိုးကို အလုပ်အကိုင်တခုနဲ့ ဘယ်လိုမှတရားသေ တွဲစပ်လို့မရနိုင်ပါဘူးခင်မျာ။မည်သည့်လူမျိုးက မည်သည့်လုပ်ငန်းကိုလုပ်ကိုင်သည်ဖြစ်ပါစေ သမ္မာအာဇီဝါကျပြီး ရိုးသားဖို့ပဲလိုအပ်ပါတယ်။သူ့ဟာသူ ချီးပုံးပဲထမ်းထမ်း၊အမှိုက်ပဲ ကျုံးကျုံး ရိုးသားစွာရတဲ့ ငွေဖြစ်တဲ့ အလွန်ဖြုစင်ပါတယ်။
ဒီအလုပ်တွေကိုအောက်တန်းစားအလုပ်အဖြစ် နှိမ့်ချရှုမြင်တဲ့လူဟာ သူရဲ့ပင်ကိုယ်အတွင်းစိတ်မကောင်းမှူနဲ့ စာဖတ်အားနည်းသူများလို့ပဲကျွန်တော်ရှူမြင်မိပါတယ်။ နောက်ပြီး တချိန်က ဒီလိုဘယ်သူမှမလုပ်ချင်ခဲ့တဲ့ အလုပ်တွေကိုလုပ်ခဲ့တဲ့ အိန္ဒိယနိုင်ငံဟာ အနူမြုဗုံးတောင် ပိုင်ဆိုင်နိုင်ပြီး ကျွန်တော်တော့ ရွှေမြန်မာတွေကတော့ လူများနိုင်ငံတွေမှာ ဒီလိုအလုပ်တွေလုပ်ဖို့ တစတစနဲ့ မွေးရပ်မြေကို စွန့်ခွါနေရတာကို လူတိုင်းသိနိုင်ပါတယ်။ ကံကြမ္မာ လှည်းဘီးဆိုတာမျိုးဟာ တပတ်လည်တတ်ပါတယ်။ဆင်ခြင်နိုင်ကြပါစေ။
ဒီနေရာမှာ ကြုံလို့ပြောချင်တာကတော့ အများသိထားတဲ့နာမည်ကျော် ချစ်တီးလူမျိုးတွေဟာ မွတ်စလင်တွေမဟုတ်ကြပါဘူး။ခရစ်ယာန်ဘာသာကိုးကွယ်တဲ့လူများရှိသလို အမဲသား၊ဝက်သား မစားပဲ ဟိန္ဒု၊ဗုဒ္ဒဘာသာများဖြစ်ပါတယ်။ ကျွန်တော်ပြောတာကို မယုံဘူးဆိုရင်တော့ ရန်ကုန်မြို့က ချစ်တီးထမင်းဆိုင်တဆိုင်ထဲကို ဝင်ထိုင်ပြီး ဟေ့၊ အမဲသားဟင်းနဲ့တပွဲပေးစမ်းကွာလို့သာမှာကြည့်လိုက်ကြပါခင်မျာ။ နောက်ပြီး ကျွန်တော်တို့ ဖတ်စာအုပ်ထဲမှာ သင်ခဲ့ရတဲ့ တောင်သူလယ်သမားတွေကိုနှိပ်စက်ခဲ့တဲ့ ချစ်တီးတွေရဲ့ အတိုးနှုန်းဟာလေးကျပ်တိုးပါ။ ယခုအချိန်ကိုယ့်မြန်မာအချင်းချင်း အပေါင်မပါပဲချေးငှါးကြည့်လိုက်ပါ။ အနည်းဆုံး ၂၀ တိုးနဲ့ပဲရပါလိမ့်မယ်။ အပေါင်ပစ္စည်းပါရင်တော့ ဘယ်ဈေးလဲဆိုတာလူတိုင်းသိမှာပါ။ အင်္ဂလိပ်ခေတ်နဲ့ လက်ရှိခေတ်ငွေဖောင်းပွမှူကတော့ ကွာတာပေါ့လေ။
တကယ်တော့ ဒီလိုပုံထဲမှာပါလာကြပြီး ဆဲဆိုခံနေရတဲ့လူတွေဟာ ဒုတိယကမ္ဘာစစ်မီး မြန်မာနိုင်ငံကို ကူးစက်လာချိန် ၁၉၄၂ ခုနှစ်မှာ အိန္ဒိယနိုင်ငံဘက်ကို မှီရာ သင်္ဘော၊ကား၊ရထားသုံးပြီး အမြန်ပြန်ပြေးရပါတော့တယ်။ဘာယာဉ်မှ အသုံးပြုဖို့ မမှီလိုက်သူတွေကတော့ ကြမ်းတမ်းတဲ့လမ်းခရီး ကို ကခြေလျင် ပြန်ပြေးရပါတော့တယ်။ အဲလိုပြန်ပြီး စစ်ဘေးဒါဏ်ရှောင်တဲ့လူတွေရဲ့တဝက်လောက်ကတော့ စစ်ဘေးဒါဏ်၊ရာသီဥတု၊ငတ်မွတ်ခေါင်းပါးမှူနဲ့ ရောဂါဘယများအစရှိတဲ့ အကြောင်းအမျိုးမျိုးကြောင့် အိန္ဒိယနိုင်ငံဘက်ကို မရောက်မှီလမ်းမှာပဲ ဇီဝန်ကြွှေသွားကြပါတော့တယ်။
ကိုလိုနီခေတ်ရန်ကုန်မြို့နေလူထုဟာ မြန်မာလူမျိုးများထက် ဥရာပတိုက်သားများ၊ လူမျိုးခြားများက ပိုမိုများပြားပါတယ်။ လွတ်လပ်ရေးရပြီးနောက်ပိုင်း ရောင်စုံသူပုန်သာင်းကျန်းသူတွေရဲ့ ရန်ကြောင့် နယ်ဝေးနေ မြန်မာလူမျိုးများရန်ကုန်မြို့ကိုတိုးတက် အခြေချလာခြင်းသာဖြစ်ပါတယ်။
အချုပ်အားဖြင့်ပြောရမယ်ဆိုရင်ဖြင့် အတီးတင်ပေးထားတဲ့ဓာတ်ပုံဟာ တချိန်ကကိုယ့်နိုင်ငံရဲ့ သမိုင်းဟာ ဒီလိုတောက်ပြောင်ခဲ့တယ်ဆိုတာတယ်၊ အများပြည်သူ ဗဟုသုတရစေနိုင်ဖို့သာရည်ရွယ်ပါတယ်ခင်မျာ။သူ့ဟာသူ တကယ်တည်ရှိခဲ့လို့ ဓာတ်ပုံထဲမှာပါလာတဲ့ ကိုယ့်အဘိုး၊အဘွားအရွယ်တွေကို တလွဲမာန နဲ့ အသားလွတ်ထိုင်ဆဲဖို့မဟုတ်ပါဘူးခင်မျာ။ ဒါမှ မဟုတ်ပဲ ဒါငါ့နိုင်ငံကွ မနေချင်ထွက်သွားဆိုတဲ့လူများအတွက်လဲ တခုပြောချင်ပါတယ်။ သူတို့တွေကို ဘယ်သူမှ မောင်းထုတ်ဖို့မလိုပါဘူးခင်မျာ။ တစတစ ယိုယွင်းလာပြီဖြစ်တဲ့ မွေးရပ်မြေကို လူမျိုးခြားတွေရော၊ မြန်မာလူမျိုးတွေ ကိုယ်တိုင်ပါ ရေကြည်ရာမျက်နုရာ ထွက်ခွါနေကြတာ လူတိုင်းအမြင်ပါပဲ။ဒါမှ မဟုတ်ရင်လဲ အတီးတင်ပေးထားတဲ့ ပုံလေးတွေကို ဒေါင်းလုပ်ချ။ ပြီးရင် ဖိုတိုရှော့ထဲထည့်။ မမြင်ချင်တဲ့ ကုလားများ၊တရုတ်များ ကို ဖယ်ရှားပစ်ပြီးတော့ “တချိန်တုန်းက အရှေ့တောင်အာရှမှာ အလှဆုံးဖြစ်ခဲ့ဖူးသော မြန်မာလူမျိုးသီးသန့် နေထိုင်သည့် မဟာရန်ကုန်ရွှေမြို့တော်” တို့ “လူမျိုးခြား ကင်းစင် မြန်ပြည်တခွင်” တို့ဘာတို့လို ခေါင်းစဉ်များတပ်ပြီး ပျော်ပျော်ပါးပါးကြီးသာ ရှဲကြပေလေတော့။
ကျွန်တော်ဟာ သမိုင်းပညာရှင်မဟုတ်ပဲ အလွတ်တန်း လေ့လာတဲ့ ဝါသနာရှင်တယောက်သာဖြစ်တဲ့ အတွက် ကျွန်တော့တင်ပြချက်မှာ အမှားအယွင်းများ ပါရှိခဲ့သည်ရှိသော် ထောက်ပြဝေဖန်ပေးပါရန်စာရှူသူမိတ်ဆွေများအား လေးစားစွာပန်ကြားအပ်ပါသည်။ ဒီပို့စ်ဟာ ကုလားသမိုင်း၊တရုတ်သမိုင်း မဟုတ်သလို ရိုဟင်ဂျာသမိုင်းလဲမဟုတ်ပါ။ရန်ကုန်မြို့သမိုင်းစစ်စစ်သာဖြစ်ပါသည်။ သို့ဖြစ်ပါ၍ အပြုသဘော ဆောင်သော ဆွေးနွေးချက်များ၊ဝေဖန်ချက်များကို တလေးတစားနှင့်ပြန်လည်ဖြေကြားမှာဖြစ်သောလည်း ပို့စ့်နှင့်မဆိုင်သော ကိစ္စများနှင့် ရိုင်းစိုင်းသော ကောမန့်များကိုတော့ ဖယ်ရှားရမည်ဖြစ်ကြောင်းကိုဝမ်းနည်းစွာဖြင့် ကြိုတင်အသိပေးလိုက်ရပါတယ်ခင်ဗျာ။

အကိုးအကား
1) နဂါးဗိုလ်ထိပ်တင်ဒွေးပြုစုသော ရန်ကုန်မြို့သမိုင်း
2) http://www.scribd.com/doc/100740788/History-of-Yangon-by-Nagarbo-Htake-Tin-Dwe
3) B. R. Pearn, Corporation of Rangoon, American Baptist Mission Press, Rangoon, 1939 ရေးသားသော A History of Rangoon
4) http://www.tuninst.net/Myanmar/Hist_Rgn/found-rgn/alaungpaya-rgn1/alaungpaya-rng1.htm#ALAUNGPAYAS-RANGOON-1
5) Photo via Ye Myat Thu

အတီး( ဝါးလုံးရှည်)